19:17 / 02.09.2021
9173

AQShga qariyb 24 ming nafar afg‘onistonlik qochqin olib kelindi

Ma'lumot berilishicha, afg‘onistonlik qochqinlar AQShning yettita harbiy bazasi hamda Fors ko‘rfazi va Yevropadagi shaharlarga joylashtiriladi.

Foto: AP Photo/Giuseppe Distefano

AQShga Kobuldan evakuatsiya qilingan 23 876 nafar Afg‘oniston fuqarosi olib kelindi, deb xabar berdi CBS News.

Bu haqda AQSh davlat departamenti vakili Ned Prays ma'lum qildi.

Praysning so‘zlariga ko‘ra, 17-31 avgust kunlari evakuatsiya qilingan 31 107 nafar kishining 14 foizi AQSh fuqarolari, 9 foizi qonuniy doimiy aholisi, qolgan 77 foizi xatar hududida bo‘lgan afg‘onlar hisoblanadi.

Ma'lumot berilishicha, afg‘onistonlik qochqinlar AQShning yettita harbiy bazasi hamda Fors ko‘rfazi va Yevropadagi shaharlarga joylashtiriladi.

 AQSh hukumatining bildirishicha, hozirda Afg‘onistonda 200 nafargacha amerikaliklar qolib ketgan.

Mavzu
AQShning Afg‘onistondan ketishi
AQSh Afg‘onistonda 20 yil davom etgan harbiy kampaniyasini tamomlamoqda. Toliblar esa mamlakat hududlarini birin-ketin egallab olmoqda.
Barchasi
Top