Mirzo Ulug‘bek tumanidagi, Mustaqillik shohko‘chasidan o‘tgan tunnel rekonstruksiya qilinmoqda.
Foto: Toshkent shahar hokimligi
Toshkent shahar hokimligi xabarida aytilishicha, rekonstruksiya davomida tunnel devorlari fibrobeton bilan qoplanadi. Yoritish tizimi ta’mirlanadi.
Qayd etilishicha, ta’mirlash ishlari davomida piyodalar va avtomobillar uchun harakat cheklanmaydi.
Avvalroq, Abdulla Qodiriy ko‘chasidagi tunnelda harakatlanish bir oyga qisman cheklangani xabar berilgandi.
2022 yilning 11 fevralidan bir oy davomida Abdulla Qodiriy ko‘chasidan o‘tgan tunnelda rekonstruksiya ishlari olib borilmoqda.
Rekonstruksiya davomida tunnelning 2 tomonidagi 3 ta yo‘nalishning faqat bittadan yo‘nalishi navbatma-navbat avtomobillar harakatlanishi uchun yopildi.
