Mirzo Ulug‘bek tumanida ko‘p qavatli uyda yong‘in sodir bo‘ldi

Kecha, 13 yanvar kuni soat 23:59 da Toshkent shahar, Mirzo Ulug‘bek tumani, Niyoziy ko‘chasida joylashgan ko‘p qavatli uydagi xonadonlarning birida yong‘in sodir bo‘lgani to‘g‘risida Toshkent shahar FVBBga xabar qilingan.

Foto: Ijtimoiy tarmoqlar

Xabar qabul qilinishi bilan hodisa joyiga yong‘in-qutqaruv bo‘linmalari yo‘naltirilgan. Yong‘in-qutqaruv ekipaji soat 00:04 da voqea joyiga yetib borib, yong‘inni o‘chirish ishlarini boshlagan. Olib borilgan tezkor harakatlar natijasida yong‘in soat 00:37 da to‘liq bartaraf etilgan.

Ma’lum qilinishicha, yong‘in oqibatida tan jarohati olganlar yo‘q. Hozirda yong‘in kelib chiqish sabablari hamda moddiy zarar miqdoriga aniqlik kiritish maqsadida tegishli tartibda o‘rganish ishlari olib borilmoqda.

Fuqarolarga xonadonlarda elektr jihozlaridan xavfsiz foydalanish, gaz uskunalari va isitish vositalarini nazoratsiz qoldirmaslik, shuningdek, yong‘in xavfsizligi qoidalariga qat’iy rioya qilish tavsiya etiladi.

Tayyorlagan: Отабек Матназаров

#yong‘in #Mirzo Ulug‘bek tumani