18:36 / 18.04.2022
15557
Toshkentda kuchli shamol turishi va yomg‘ir yog‘ishi kutilmoqda
Foto: Kun.uz

Toshkent shahrida 18 aprel kuni kuchli shamol va yomg‘ir yog‘ishi kutilayotgani bois shahar hokimligi fuqarolarga murojaat bilan chiqdi.

Qayd etilishicha, shamol daraxtlar va shoxlarni sindirishi, mustahkam o‘rnatilmagan konstruksiyalarni o‘rnidan qo‘zg‘atishi mumkin. Bundan ularning ostidagi odamlar va avtotransport vositalariga shikast yetishi mumkin.

«Sizdan kuchli shamol kuzatilganida ko‘chada harakatlanmaslikni, avtomobillarni daraxtlar va boshqa turli mustahkam bo‘lmagan konstruksiyalardan uzoqroq, xavfsiz joyga qo‘yishni so‘raymiz», — deyiladi xabarda.

Bundan avvalroq «O‘zgidromet» 18-20 aprel kunlari Turkmaniston orqali Erondan nam havo, so‘ngra Volga bo‘yi hududlaridan nisbatan salqin havo massasi kirib kelishi, hafta boshlarida kuchli yomg‘ir va do‘l yog‘ishidan ogohlantirgandi.

Top