JSST vakilining qayd etishicha, kasallik aksariyat hollarda jinsiy yo‘l orqali yuqmoqda.
Maymun chechagi kasalligi oziq-ovqat mahsulotlari orqali yuqmaydi, dedi Jahon sog‘liqni saqlash tashkilotining favqulodda vaziyatlar bo‘yicha dasturi rahbari Mayk Rayan.
"Hozirda maymun chechagi kasalligi oddiy taom orqali, oziq-ovqat mahsulotlari sotib olganda yuqishi borasida hech qanday dalil yo‘q", - dedi Rayan.
"Taomingiz hamisha xavfsiz bo‘lishi uchun taom tayyorlash yo‘riqnomasiga amal qilish juda-juda muhim", - deb ta’kidladi JSST vakili.
Uning qayd etishicha, kasallik aksariyat hollarda jinsiy yo‘l orqali yuqmoqda.
JSST ma’lumotlariga ko‘ra, 63 mamlakatda maymun chechagi kasalligini yuqtirish bilan bog‘liq 9,2 mingta holat qayd etilgan.