O‘zbekiston eksportidagi top-10 davlatlar ma’lum qilindi.
2023 yilning yanvar-aprel oylarida O‘zbekiston eksportida yuqori ulushga ega bo‘lgan hamkor davlatlar to‘g‘risida ma’lumot berildi.
Statistika agentligining dastlabki ma’lumotlariga ko‘ra, ko‘rsatilgan davrda O‘zbekiston eksportida eng yuqori ko‘rsatkich Rossiya bilan qayd etilgan – 789 mln dollar.
Undan keyingi o‘rinlardan mos ravishda 591 mln hamda 450 mln dollar mahsulotlar eksport qilingan Xitoy va Turkiya joy oldi.
Ushbu ko‘rsatkich qolgan davlatlar kesimida quyidagicha ko‘rinishga ega:
— Qozog‘iston – 427 mln;
— Afg‘oniston – 257,3 mln;
— Qirg‘iziston – 236 mln;
— Tojikiston – 175,3 mln;
— Fransiya – 120,3 mln;
— BAA – 72 mln;
— Eron – 67 mln AQSh dollari.
Bundan oldin O‘zbekiston tashqi savdo aylanmasidagi top-10 davlatlar to‘g‘risida ma’lumot berilgandi.
2023 yilning yanvar-aprel oylarida O‘zbekiston tashqi savdo aylanmasida yuqori ulushga ega bo‘lgan hamkor davlatlar orasida Xitoy yetakchilik qilyapti – 3,3 mlrd dollar.
Statistika agentligining dastlabki ma’lumotlariga ko‘ra, keyingi o‘rinlardan savdo aylanmasi mos ravishda 2,9 mlrd hamda 1,5 mlrd dollarni tashkil qilgan Rossiya va Qozog‘iston joy oldi.
