Ўзбекистон экспортидаги топ-10 давлатлар маълум қилинди.
2023 йилнинг январь-апрель ойларида Ўзбекистон экспортида юқори улушга эга бўлган ҳамкор давлатлар тўғрисида маълумот берилди.
Статистика агентлигининг дастлабки маълумотларига кўра, кўрсатилган даврда Ўзбекистон экспортида энг юқори кўрсаткич Россия билан қайд этилган – 789 млн доллар.
Ундан кейинги ўринлардан мос равишда 591 млн ҳамда 450 млн доллар маҳсулотлар экспорт қилинган Хитой ва Туркия жой олди.
Ушбу кўрсаткич қолган давлатлар кесимида қуйидагича кўринишга эга:
— Қозоғистон – 427 млн;
— Афғонистон – 257,3 млн;
— Қирғизистон – 236 млн;
— Тожикистон – 175,3 млн;
— Франция – 120,3 млн;
— БАА – 72 млн;
— Эрон – 67 млн АҚШ доллари.
Бундан олдин Ўзбекистон ташқи савдо айланмасидаги топ-10 давлатлар тўғрисида маълумот берилганди.
2023 йилнинг январь-апрель ойларида Ўзбекистон ташқи савдо айланмасида юқори улушга эга бўлган ҳамкор давлатлар орасида Хитой етакчилик қиляпти – 3,3 млрд доллар.
Статистика агентлигининг дастлабки маълумотларига кўра, кейинги ўринлардан савдо айланмаси мос равишда 2,9 млрд ҳамда 1,5 млрд долларни ташкил қилган Россия ва Қозоғистон жой олди.
