Farg‘onada maktab o‘quvchisiga shapaloq tushirgan Milliy gvardiya xodimi ishdan chetlatildi

Qo‘shtepa tumanidagi maktabda inspektor-psixolog sifatida ishlayotgan Milliy gvardiya xodimi yuqori sinf o‘quvchisiga shapaloq tushirgan. Xizmat tekshiruvidan so‘ng u maktabdagi lavozimidan chetlatilgan. Uni boshqa lavozimga qo‘yish ko‘rib chiqilmoqda.

Foto: Videodan kadr

Farg‘ona viloyati Qo‘shtepa tumanidagi maktablardan birida Milliy gvardiya kiyimidagi xodimning o‘quvchilardan birining yuziga shapaloq tortgani aks etgan videolar yuzasidan Milliy gvardiya xizmati Kun.uz'ga izoh berdi.

Ta’kidlanishicha, holat hududdagi 49-maktabda sodir bo‘lgan. Maktabda inspektor-psixolog sifatida ishlayotgan xodim o‘quvchiga shapaloq tushirishi ortidan lavozimidan chetlatilgan. Qo‘shimcha qilinishicha, uni boshqa lavozimga qo‘yish ko‘rib chiqilmoqda.

Eslatib o‘tamiz, 2024 yil fevral oyida prezident boshchiligida o‘tgan yig‘ilishda maktablardagi inspektor-psixologlar shtati IIVdan Milliy gvardiya tizimiga o‘tkazilishi ma’lum qilingandi.

6 fevraldan 7 martga qadar 1 mln 769 ming nafar o‘quvchi maktabga qaytarilgani, respublika bo‘yicha davomat 97,7 foizga yetgani e’lon qilindi.

Navoiyda maktab o‘quvchilari dars payti sport zalga yig‘ilib, sochi olindi

Toshkent viloyatidagi maktabda Milliy gvardiya xodimiga jarohat yetkazildi

“Haqqingiz yo‘q, jurnalist bo‘lsangiz ham IIB xodimlari bilan kelishingiz kerak” – Buxoroda jurnalist maktabga kiritilmadi

“O‘zini nazoratchidek tutgan xodimlar ham bo‘ldi” – milliy gvardiyaning maktab ishiga aralashuvi haqida

Tayyorlagan: Дилшода Шомирзаева

#Farg‘ona #o‘quvchi #Milliy gvardiya #maktab