Sadir Japarov O‘zbekiston bilan chegara bo‘yicha muzokaralar yuzasidan izoh berdi
Qirg‘iziston prezidenti AKIpress uchun bergan intervyusida chegara bo‘yicha muzokaralar dastlabki bosqichda ekanligini aytib o‘tdi.

Foto: akipress.org
«Xohlaymizmi, yo‘qmi, chegaralar bilan bog‘liq masalani muzokaralar va uchastkalar almashish orqali hal qilish kerak», degan Japarov.
U avvalgi hukumat chegara masalalarini yopiq eshiklar ortida hal qilgani va aholi bundan chegaralarga simlar tortilganidan keyingina xabardor bo‘lgani haqida aytib o‘tgan.
«Biz avvalgilar yo‘l qo‘ygan xatolarni takrorlamaslikka harakat qilyapmiz. Buning uchun dastlab odamlarga ko‘rsatamiz, ularning roziligini olamiz va qaror chiqaramiz. Bizning siyosatimiz shunday. Nazariy jihatdan hammasi yopiq eshiklar ortida o‘tishi kerak, ko‘plab hujjatlar maxfiy hisoblanadi. Ammo biz xalqning fikrini inobatga olamiz. Avvallari nafaqat mahalliy aholi, balki qirg‘izistonliklar ham bilmasdi. Faqat tikanli simlar tortilayotganidagina xabar topilardi... Ammo biz davlatimiz va xalqimiz zarariga qaror qabul qilmaymiz. Biz hammasi davlat va xalq foydasiga hal bo‘lishi uchun barcha imkoniyatlarni ishga solamiz», deydi Qirg‘iziston prezidenti.
U chegara masalasi bitta imzolangan protokol bilan hal qilinmasligini ta'kidlaydi.
«Hozir faqat muzokaralarning boshida turibmiz. Hech qanday hujjat imzolanmagan. To‘rt bosqichdan o‘tilganidan keyingina imzolanadi. Avval komissiya protokolni ko‘rib chiqadi, keyin uni prezidentlarga olib kiradi, ular ko‘rib chiqib, parlamentlarga yuboradi, parlament ratifikatsiya qilib, yana prezidentga qaytaradi va prezident imzolaganidan keyingina kuchga kiradi. Biz muzokaralar olib boryapmiz va buni davom ettiramiz. Biz hamma narsa ochiq va oshkora bo‘lishini va 10-15 yildan so‘ng odamlar biz haqimizda yomon gap aytmasliklarini istaymiz», deydi u.
Mart oyi oxirida O‘zbekiston bilan tuzilgan shartnomaga muvofiq, quyidagi uchastkalar Qirg‘izistonga o‘tgani ma'lum qilingandi:
- Ko‘k-Serek - 105 gektar;
- Ola-Buqa rayonidagi Boyiston – 212 gektar;
- Qora-suv rayonidagi Oq-Tosh – 100 gektar;
- Qora-Beles - 25 gektar;
- Namangan va Jalolobod viloyatlari o‘rtasidagi Gavasoy - 8 ming gektar;
- O‘ng‘ar-Tog‘dagi yerlar - 35 gektar.
O‘zbekiston ushbu hududlar evaziga Kampirobod suv omboridan foydalanish huquqini olgan. Shahrixonsoy kanali joylashgan 50 gektar maydon ham O‘zbekistonga o‘tishi, buning evaziga Qirg‘iziston O‘zgan rayoni chegara hududidan 50 gektar maydonni olishi ko‘zda tutilgan.
O‘shanda Qirg‘iziston milliy xavfsizlik davlat qo‘mitasi rahbari Qamchibek Toshiyev tomonlar Kampirobod suv omboridan umumiy foydalanish yuzasidan ham kelishuvga erishganini aytgandi.
Dastlabki kelishuvga asosan, Kampirobod suv omborining suv zaxiralarini 900 gorizontaldan yuqori bo‘lmagan darajada to‘ldirishni nazarda tutadigan, birgalikda boshqarish to‘g‘risidagi hukumatlararo bitim tuzilishi mumkin.
Qirg‘iziston o‘z fuqarolarining ushbu suv ombori suvidan bepul va to‘siqsiz foydalanishi, O‘zbekiston suv ombori havzasi atrofida muhandislik inshootlarini o‘rnatmaslik majburiyatini olishini istayapti.
Aprel oyi o‘rtalarida qirg‘izistonliklar Kampirobod suv ombori atrofidagi 50 gektar yer maydoni O‘zbekistonga berilishiga qarshi chiqishdi.
Ko‘p o‘tmay Qamchibek Toshiyev O‘zbekistonga bu hududdan yer berilmasligini aytib chiqdi.
Tavsiya etamiz
Pensiyani avtomatik tayinlashga o‘tilmoqda. Asosiy savollarga javoblar
Iqtisodiyot | 16:58 / 19.02.2025
Ilon Mask «Yer yuzidagi eng aqlli sun’iy intellekt» - Grok 3ʼni taqdim etdi
Fan-texnika | 17:29 / 18.02.2025
Toshkent yo‘llarida qayrilib olish joyidan oldin chizilgan yangi yo‘l chiziqlari o‘chirib tashlanmoqda
O‘zbekiston | 17:25 / 18.02.2025
“Ozodlikning qadrini hech narsa bilan o‘lchab bo‘lmaydi” - afv etilganlar hikoyasi
Jamiyat | 11:34 / 09.12.2024
So‘nggi yangiliklar
-
“Zilziladan qo‘rqib, Anqaraga ko‘chib ketayotganlar bor” – Istanbulda kuchli yer qimirlashi va sunami kutilyapti
Jahon | 17:14
-
Polsha Ukrainaga qo‘shin yuborish niyatida emas
Jahon | 17:09
-
Qashqadaryoda o‘qituvchiga «noo‘rin so‘z ishlatgan» o‘quvchining ota-onasi jazolandi
Jamiyat | 17:05
-
O‘zbekiston 2025 yilda 43 mlrd dollar investitsiya jalb qilishni rejalashtirmoqda
Iqtisodiyot | 16:55
Mavzuga oid

17:01 / 09.12.2024
Qirg‘iz hukumati «Xitoy-Qirg‘iziston-O‘zbekiston» temir yo‘li qurilishi uchun yer ajratdi

17:52 / 07.12.2024
Qirg‘iziston prezidenti AQSh va Yevropani «Tolibon»ni tan olishga chaqirdi

18:28 / 06.12.2024
Qirg‘izistondagi shaharda barcha jamoat joylari bepul Wi-Fi bilan ta’minlandi

17:52 / 04.12.2024