Moskvaga urush davridagi eng yirik hujum – suratlar

Kapotnyadagi neftni qayta ishlash zavodi va «Mega» savdo markazi yongan, barcha aeroportlar yopilgan, poytaxt uzra qora tutun ko‘tarilib, osmondan «neft yomg‘iri» tushgan.

18 iyun kuni Moskva urush boshidan buyon eng yirik hujumga uchradi – shahar meri Sergey Sobyaninning so‘zlariga ko‘ra, shaharga kirish joyida ukrainlarning qariyb 200 ta droni urib tushirilgan. Qatorasiga ikkinchi kun hujumga uchragan Kapotnyadagi neftni qayta ishlash zavodida yana yong‘in ro‘y bergan. «Sadovod» savdo markaziga ham dron parchalari tushgan. Moskva tashqarisidagi Jukovskiy rayonida dronlardan biri ko‘p qavatli uyga urilgan, Lyubersida esa dron parchalari fitnes-markaz binosi hamda «Mega Belaya dacha» savdo markazi tomiga zarar yetkazgan. Moskvadagi to‘rtta aeroport ham yopilgan, o‘nlab reyslar kechiktirilgan.