Москвага уруш давридаги энг йирик ҳужум – суратлар

Капотнядаги нефтни қайта ишлаш заводи ва «Мега» савдо маркази ёнган, барча аэропортлар ёпилган, пойтахт узра қора тутун кўтарилиб, осмондан «нефт ёмғири» тушган.

18 июн куни Москва уруш бошидан буён энг йирик ҳужумга учради – шаҳар мэри Сергей Собяниннинг сўзларига кўра, шаҳарга кириш жойида украинларнинг қарийб 200 та дрони уриб туширилган. Қаторасига иккинчи кун ҳужумга учраган Капотнядаги нефтни қайта ишлаш заводида яна ёнғин рўй берган. «Садовод» савдо марказига ҳам дрон парчалари тушган. Москва ташқарисидаги Жуковский районида дронлардан бири кўп қаватли уйга урилган, Люберцида эса дрон парчалари фитнес-марказ биноси ҳамда «Мега Белая дача» савдо маркази томига зарар етказган. Москвадаги тўртта аэропорт ҳам ёпилган, ўнлаб рейслар кечиктирилган.