Chechenistonda faqat ayollar uchun xizmat ko‘rsatuvchi taksi xizmati ish boshladi

Chechenistonda faqat ayollar uchun xizmat ko‘rsatuvchi, haydovchisi ayol kishilar bo‘lgan taksi xizmati ish boshladi. Bu haqda taksi xizmati rahbari Madina Tsakayevaga tayanib RIA Novosti xabar berdi.

"Avvaliga  beshta mashinada xizmat ko‘rsatishni yo‘lga qo‘ydik, ularga bo‘lgan talab oshganidan so‘ng taksilarimiz soni 20taga yetdi. Operatorlar erkaklardan buyurtmalarni aslo qabul qilishmaydi", - dedi Tsakayeva.

Taksi xizmati "Mexkari" deb nomlanadi, chechen tilidan o‘girganda "qizlar" ma'nosini bildiradi. Loyiha tashabbuskorining so‘zlariga ko‘ra, ayollar uchun maxsus taksi xizmati tashkil etish din va mentalilet me'yorlari bilan bog‘liq.  

Chechenistonda ayollar uchun taksi xizmati loyihasini Arabistondagi shayx Zayd nomidagi investitsion fond qo‘llab-quvvatladi va kredit ajratdi.