Kongressdagilar Trampning umrbod prezidentlik haqidagi orzusini tanqid qilishdi

AQSh Vakillik palatasi a'zolari tomonidan mamlakat prezidenti Donald Trampning prezidentlik muddati uchun cheklovni bekor qilish bo‘yicha bildirgan fikri keskin qarshi olindi. Xususan, demokrat-kongressmen Ro Hanna prezidentning Xitoy rahbari Si Jingpindan ilhomlanib bildirgan fikrlarini tanqid qildi.

«Bu hazilmi yoki yo‘q, bundan qat'i nazar, Si Jingpin kabi mamlakatni umrbod boshqarish fikri — AQSh prezidenti aytishi mumkin bo‘lgan eng antiamerikancha fikrdir. Bu gapni eshitsa, Jorj Vashington go‘rida tik turgan bo‘lardi», — deya yozgan kongressmen o‘zining Twitter sahifasida.

Bundan avvalroq CNN nashri, Xitoy hukumatining davlat rahbari lavozimida ikki muddatga qolish cheklovini bekor qilish tashabbusini «ajoyib» deb atagani haqida xabar tarqatgandi.