Уч нафар собиқ хотинидан алимент қарздорлиги учун 15 суткага қамалган эрнинг қарзларини унинг 4-хотини тўлади

Тошкент шаҳри Яшнобод туманида уч нафар собиқ хотинига фарзандлари таъминоти учун алимент тўламаган сабаб 15 суткага қамалган ота жазони тўлиқ ўтамасдан озод қилинди. Бу ҳақда Бу ҳақда Kun.uz’га МИБ ахборот хизмати хабар берди.  

Ушбу шахснинг фарзандлари таъминоти учун 2023 йилнинг декабр ойи ҳолатига кўра қарийб 25 млн сўм алимент қарздорлиги бўлган. 

Қарздорлик эрнинг амалдаги турмуш ўртоғи томонидан тўлиқ тўланган.

Натижада суд томонидан қарздорга нисбатан тўпланган ҳужжатлар қайта кўрилиб, етказилган зарар миқдори қоплангани сабабли у жазони тўлиқ ўтамасдан озод қилинган.

• Олдинроқ Бош прокуратура ҳузуридаги Мажбурий ижро бюроси бўлим бошлиғи Насимхон Бурхонов Kun.uz мухбири билан суҳбатда МИБ ижросида ўртача 300 мингта алимент иши борлиги, ҳар бир ходимга ойида 100 тадан алимент иши тўғри келаётгани ҳақида айтганди.