Google сўнгги 10 йилдаги энг катта янгилигини татбиқ қилди

Фото: Global Look Press/Jens Büttner

Google корпорацияси ўзининг Play Market иловалар дўконига сўнгги 10 йилдаги асосий янгилик - шахсий тавсиялар учун сунъий интеллектни интеграциялаштирди.

Экспертларнинг хабар беришича, янгиланиш натижасида Google Play фойдаланувчилари ўз қизиқишлари, ёши, жинси, яшаётган мамлакати ва бошқа омилларга асосланган ҳолда дастурлар ва ўйинлар иловаларини кўришлари мумкин бўлади.

Бундан ташқари, корпорацияда таъкидланишича, келгусида ушбу тизимни дўконнинг бошқа йўналишларига ҳам татбиқ қилиш режалаштирилмоқда.

Энди қандайдир бир илованинг ўрнатилиши ёки ўрнатилмаслиги тўғридан-тўғри сунъий интеллект фаолияти самарадорлигига боғлиқ бўлади. Бу ишлаб чиқарувчилар ҳамда Google корпорацияси даромадларига таъсир қилади. Шу боис "қидирув гиганти" самарали тавсиялар тизими устида максимал узоқ иш олиб борди.

Тайёрлаган: Лола Раҳманбаева

#Google #сунъий интеллект