Шотландияда драма. Европада ЖЧнинг яна беш иштирокчиси маълум бўлди

C гуруҳи

Шотландларда бу асрда илк мундиал

Шотландия – Дания 4:2
Голлар: Мактоминай, 3 (1:0). Ҳойлунд, 57 – пеналти (1:1). Шенкленд, 78 (2:1). Доргу, 82 (2:2). Тирни, 90+3 (3:2). Маклин, 90+8 (4:2)
Шотландия: Гордон, Ҳэнли, Маккенна, Робертсон, Ҳики (Тирни, 72), Макгинн, Фергюсон, Доук (Маклин, 21), Кристи (Адамс, 63), Мактоминай, Дайкс (Шенкленд, 63)
Дания: Шмейҳел, Андерсен, А. Кристенсен, Доргу, Р. Кристенсен, Юлманн, Ҳейберг, Фроҳолдт, Дамсгор (Вестергор, 64), Исаксен (Бирет, 90), Ҳойлунд (Норгар, 84)
Огоҳлантиришлар: Тирни, 90 – Андерсен, 10. Р. Кристенсен, 45
Четлатиш: Р. Кристенсен, 62 (иккинчи сариқ)

Сешанба оқшомидаги асосий ўйин Британия шимолида бўлиб ўтди, бу ерда мезбон шотландлар данияликлар билан гуруҳда ким биринчи ўринни эгаллаши масаласини ҳал қилишди (охирги тур олдидан Данияда 11, Шотландияда 10 очко бор эди). Ўйин Мактоминайнинг чалқанча услубдаги ҳайратомуз зарбаси билан бошланди. Шотландия термаси етакчиси 4-дақиқадаёқ Криштиану Роналдунинг энг яхши йилларидаги трюкни такрорлаб, Шмейҳелга ҳеч қандай имкон қолдирмади.

Иккинчи бўлимда эса ҳақиқий драма рўй берди: аввалига Ҳойлунд пеналтидан ҳисобни тенглаштирди, аммо кўп ўтмай данияликлар ҳимоячиси Кристенсен қизил карточка олди, кейин эса Шанклэнд мезбонларни яна ҳисобда олдинга олиб чиқди. Аммо уч дақиқа ўтиб скандинавлар яна бир бор мувозанатни тиклашди – Доргунинг голидан кейин Дания онлайн жадвалда биринчи ўринга чиқди. Барчаси Дания гуруҳ пешқадамлигини сақлаб қолишига қараб кетаётганди, аммо бу оқшом Доргу эмас, Тирни қаҳрамонга айланди, ушбу ҳимоячиси қўшимча дақиқаларда ғалаба голини урди, яна бир неча дақиқа ўтиб Маклин майдон марказидан йўллаган зарбаси билан ўйинга узил-кесил нуқта қўйди. Шотландлар 1998 йилдан буён илк бор мундиалга йўл олди, Данияни ўтиш ўйинлари кутмоқда.

Беларус – Греция 0:0
Беларус: Лапоухов, Бегунов, Забелин, Хвалко (Калинин, 67), Эбонг, Яблонский, Малкевич, Малашевич (Мелниченко, 46), Демченко, Громико (Концевой, 67), Лисакович (Барковский, 77)
Греция: Влаходимос, Рецос, Хатзидиакос, Цимикас, Рота, Зафейрис, Сиопис (Триантис, 64), Манталос (Курбелис, 83), Тзолис, Масурас (Карецас, 69), Тетте (Костулас, 64)
Огоҳлантиришлар: Хвалко, 50 – Рецос, 88

Беларуслар ноябрда кўпчиликни ажаблантириди. Аввалига Дания билан 2:2 ҳисобида дуранг ўйнади (ва бу якунда скандинавлар иккинчи ўринда қолиб кетишига сабаб бўлди), охирги турда эса Грециядан ҳам очко тортиб олди. Ва бу ўйинда «автобус» қўйилгани йўқ: мезбонлар рақиб дарвозаси томон етти бор зарба беришди. Ва дастлабки тўрт ўйинда ютқазган беларуслар якунда мухлисларга таскин берувчи очколарни қўлга киритишди.

E гуруҳи

Турклар испанлар дарвозасига калит топишди

Испания – Туркия 2:2
Голлар: Олмо, 4 (1:0). Гул, 42 (1:1). Ўзжан, 54 (1:2). Ойярсабал, 62 (2:2)
Испания: Симон, Ляпорт, Кубарси, Кукуреля, Лиоренте, Гарсия, Руис (Пабло Форналс, 83), Мерино (Торрес, 46), Олмо (Фермин Лопес, 74), Пино (Баэна, 62), Ойярсабал (Агеҳова, 62)
Туркия: Олтой Байиндир, Мериҳ Демирал (Юсуф Акчичек, 83), Чағлар Суюнчи, Оқойдин, Ферди Кадиўғли (Мустафо Эскихеллач, 78), Зеки Челик, Ўзжан (Каразор, 78), Ўрхун Кўкчи, Бариш Йилмаз, Ирфон Қаҳвачи (Мерт Мўлдур, 69), Гул (Юсуф Сари, 69)
Огоҳлантиришлар: Баэна, 68 – Гул, 12. Ўзжан, 76. Мериҳ Демирал, 80. Мустафо Эскихеллач, 89. Олтой Байиндир, 90

Инглизлар хотиржам бўлиши мумкин: испанлар барибир сўнгги турда гол ўтказиб юборишди ва гуруҳ босқичини гол ўтказмасдан якунлаган Томас Тухел жамоаси натижасини такрорлай олмади. Туркия тўғридан тўғри йўлланмага эга чиқиш учун Севилядаги ўйинда 7 тўп фарқи билан ғалаба қозониши керак бўларди, бунга жамоа устози Винченцо Монтелла ҳам ишонмасди ва шунинг учун Арда Гулер, Кенан Йилдиз ҳамда Ҳоқон Чалхонўғли каби етакчиларга дам берилди. Уларнинг ўрнига туширилган футболчилар эса ишончни оқлашди ва меҳмонлар 55-дақиқага келиб 2:1 ҳисобида олдинга чиқиб олишганди. Фақат испанлар тўпурари Оярсабал бу сафар ҳам майдонни голсиз тарк этишни истамади ва 62-дақиқада ҳисобни тенглаштирди. Шундан кейин икки жамоа ҳам асосий эътиборини гол ўтказмасликка қаратди ва ҳисоб бошқа ўзгармади. 31 ўйиндан иборат мағлубиятсиз серия қайд этаётган Луис де ла Фуэнте шогирдлари тўғридан тўғри йўлланмага эга бўлди, турклар эса ўтиш ўйинларидан олдин ўзига бўлган ишончни мустаҳкамлаб олди.

Болгария – Гуржистон 2:1
Голлар: Русев, 10 (1:0). Крастев, 24 (2:0). Лочошвили, 88 (2:1)
Болгария: Митов, К. Димитров, Велков, Петров, Георгиев, Стоянов (Шопов, 75), Крастев (Чочев, 89), Груев, З. Димитров (Николов, 59), Русев (Минчев, 76), Десподов (Петков, 59)
Гуржистон: Мамардашвили, Кашия, Лочошвили, Китеишвили (Абуашвили, 86), Гочолеишвили, Меквабишвили (Квилитая, 31), Кочорашвили, Цитаишвили, Кварацхелия, Давиташвили (Гулиашвили, 76), Зивзивадзе
Огоҳлантиришлар: Митов, 84 – Китеишвили, 30. Квилитая, 45

Гуржистон жамоасидан камида муносиб иштирок кутилганди, аммо Хвича ва жамоа мухлисларни ранжитишди. Гуржистонликлар сўнгги турда аутсайдер болгарларга ҳам ютқазишди. Мезбонлар биринчи бўлим ўрталаридаёқ икки тўп фарқи билан олдинга чиқиб олишди, меҳмонлар ўйин охирида битта жавоб голини уришди, аммо камбэк амалга ошмади.

H гуруҳи

Босния 15 дақиқа чидай олмади

Австрия – Босния ва Герцеговина 1:1
Голлар: Табакович, 12 (0:1). Грегорич, 77 (1:1)
Австрия: А. Шлагер, Дансо, Линхарт, Мвене (Пош, 68), Лаймер, К. Шлагер (Шмид, 68), Зайвальд, Баумгартнер, Забитцер, Виммер (Грегорич, 59), Арнаутович (Шепф, 81)
Босния ва Герцеговина: Василь, Мухаремович, Малич (Хаджиахметович, 84), Мемич, Карич (Муякич, 71), Ҳожикадунич, Байрактаревич, Таҳирович (Баждар, 84), Шунич (Алайбегович, 84), Табакович (Гигович, 62), Жеко
Огоҳлантиришлар: Лаймер, 45 – Ҳожикадунич, 54. Колашинац, 90

ЖЧ йўлланмаси учун яна бир ўзаро тўқнашув кутилмаган натижа билан бошланди — Босния ўйин стартидаёқ бурчак зарбасидан гол урди. Мемичнинг зарбаси газонга чўпчиб, дарвозабон ҳудудида турган Табаковичга голли пас бўлиб борди. Австрия эса анча вақтгача жавоб голини ура олмади. Аввалига Зайвалднинг хавфли зарбасини дарвозабон қайтарди, кейин эса Лаймернинг голи VAR аралашувидан кейин ҳужумнинг бошланғич қисмида ишлатилган фол туфайли бекор қилинди. Босния ғалабали ҳисобни тиш-тирноғи билан ҳимоя қилди, аммо ўйиннинг 77-дақиқасигача бир оёғи билан жаҳон чемпионатида турган меҳмонлар барибир рақиб босимига дош беролмади. Шу дақиқада Грегорич ҳисобни тенглаштирувчи голни урди ва мезбонларни онлайн жадвалда яна биринчи ўринга олиб чиқиб, боснияликларни ўтиш ўйинларига юборди. Австрияликлар 1998 йилдан буён илк жаҳон чемпионатига йўл олди.

Руминия – Сан-Марино 7:1
Голлар: Жакопетти, 2 (0:1). Росси, 13 – автогол (1:1). Баярам, 29 (2:1). Ман, 42 (3:1). Валентини, 57 – автогол (4:1). Ҳожи, 76 (5:1). Рацю, 82 (6:1). Мунтяну, 86 – пеналти (7:1)
Руминия: Тярновяну, Гицэ, Эйссат, Банку, Рацю, Скречу (Олару, 46), Драгомир (Марин, 46), Тэнасе (Ҳожи, 62), Баярам, Ман (Петрила, 74), Бирлиджа (Мунтяну, 62)
Сан-Марино: Коломбо, Росси (Бенвенути, 46), Валентини, Риккарди, Фаббри (Този, 63), Валли Казадеи, Муларони, Голинуччи, Панкотти (Капиккиони, 87), Дзаннони, Жакопетти (Витайоли, 75)
Огоҳлантиришлар: Панкотти, 41. Жакопетти, 41. Риккарди, 84. Голинуччи, 89

Муддатидан олдин ЖЧ йўлланмасидан умид узган Руминия сўнгги турда мухлислари учун ўйнади ва Сан-Марино дарвозасига еттита гол йўллади. Шу билан бирга, санмариноликлар ўйин стартида кутилмаганда ҳисобни очишганди, эътиборли жиҳати, ушбу жамоа бу саралаш босқичида атиги икки гол урди ва икки гол ҳам руминлар дарвозасига урилган.

J гуруҳи

Фаворитлар 7 тадан гол урди

Белгия – Лихтенштейн 7:0
Голлар: Ванакен, 3 (1:0). Доку, 34 (2:0). Доку, 41 (3:0). Меҳеле, 52 (4:0). Салемакерс, 55 (5:0). Де Кетеларе, 57 (6:0). Де Кетеларе, 59 (7:0)
Белгия: Ламменс, Теат, Меҳеле, Кастан, Мене, Тилеманс (Витсел, 61), Раскин, Ванакен (Морейра, 75), Доку (Лукебакио, 71), Салемакерс (Опенда, 61), Де Кетеларе (Троссар, 61)
Лихтенштейн: Бюҳел, Малин, Ҳофер, Майер, Зеле, Люҳингер (А. Ҳаслер, 58), Н. Ҳаслер (Вайссенҳофер, 72), Геппел (Цюнд, 18), Волфингер, Люк-Нотаро (Шлегел, 72), Киндл (Пицци, 46)
Огоҳлантириш: Шлегел, 88

Уэлс – Шимолий Македония 7:1
Голлар: Уилсон, 18 – пеналти (1:0). Брукс, 21 (2:0). Миовски, 23 (2:1). Жонсон, 37 (3:1). Жеймс, 57 (4:1). Уилсон, 75 (5:1). Уилсон, 81 – пеналти (6:1). Бродҳед, 88 (7:1)
Уэлс: Дарлоу, Лоулор, Родон (Мефам, 82), Дасилва, Уилямс (Кпакио, 82), Уилсон, Шиҳан, Каллен (Дэвис, 85), Брукс (Томас, 64), Жеймс (Бродҳед, 64), Жонсон
Шимолий Македония: Димитриевски, Зайков, Велковски, Ашковски (Серафимов, 82), Илиевски, Барди, Алими (Атанасов, 64), Стойчевски (Камили, 55), Костадинов (Чурлинов, 55), Элмас, Миовски (Растодер, 64)
Огоҳлантиришлар: Костадинов, 11. Димитриевски, 17. Велковски, 81

Сан-Маринодан фарқли ўлароқ, бошқа бир футбол карлиги – Лихтенштейн Белгияга ҳеч қандай муаммо туғдира олмади. Ванакен 3-дақиқадаёқ тезкор гол урганидаёқ ўйин йирик ҳисобда якунланиши ойдинлашди ва мухлислар шундан кейин асосий эътиборни Кардиффда Уэлс ва Шимолий Македония ўртасида иккинчи ўрин учун кечаётган ўйинга қаратиши мумкин эди.

Бу ўйинда ютқазган жамоа ҳам Миллатлар лигасидаги рейтинги эвазига ўтиш ўйинларига ўтиши маълум эди – аммо бу ҳолда қийинроқ рақибга дуч келиши кафолатланганди. Қуръада бундай жамоа тўртинчи саватчадан жой олади ва фаворитлардан бирига қарши сафарда ўйнашга тўғри келади.

Уэлсликлар буни исташмади ва биринчи бўлим ўрталарида уч дақиқа ичида иккита гол уришди. Брукс аввалига Уилсон учун пеналти ишлади, кейин ўзи ҳам гол урди. Кейин мезбонлар дарвозабони Дарлоу хатога йўл қўйди ва Миоски ҳисобдаги фарқни қисқартирди, аммо «аждарлар» аллақачон қон исини сезишганди ва якунда рақибни буткул яксон этишди. Жонсоннинг олис масофадан йўллаган зарбаси ҳамда Уилсоннинг жарима зарбаси кечанинг безагига айланди. Крейг Беллами шогирдлари ўтиш ўйинларида ҳам исталган рақибга қийинчилик туғдира олишини намойиш этди.

В гуруҳи

Косово – Швейцария 1:1
Голлар: Варгас, 47 (0:1). Муслия, 74 (1:1)
Косово: А. Ррахмани (Красничи, 71), Алити, Галлапени, Мурич, Деллова, Реджбечай, Ходжа (Жегрова, 62), Муслия (Бериша, 86), Войвода, Асллани (Забергя, 62), Муричи (А. Ррахмани, 86)
Швейцария: Кобел, Элведи, Аканжи, Видмер (Шмидт, 75), Родригес, Эбишер, Жака (Зом, 75), Соу (Фасснаҳт, 89), Варгас (Ридер, 69), Манзамби, Эмболо (Зекири, 69)
Огоҳлантиришлар: А. Ррахмани, 10. Реджбечай, 90

Швеция – Словения 1:1
Голлар: Элшник, 64 (0:1). Лундгрен, 87 (1:1)
Швеция: Виделл Сеттерстрем, Линделёф (Лагербилке, 84), Старфелт, Свенссон, Крафт (Гудмундссон, 65), Сванберг (Юҳанссон, 65), Зенели, Сема (Форсберг, 38), Лундгрен, Баржи (Бернҳардссон, 65), Лидберг
Словения: Векич, Балковец, Бийол, Дркушич, Янжа, Карничник, Элшник (Петрович, 88), Сешлар (Хорват, 68), Гнезда Черин, Шпорар (Горенц-Станкович, 90+6), Штурм (Млакар, 88)
Огоҳлантиришлар: Зенели, 25. Юҳанссон, 86 – Карничник, 72

Бу гуруҳда барчаси кутилганидек якунланди: сўнгги тур арафасида косоволикларда биринчи ўринга чиқиб олиш учун фақат назарий жиҳатдан имконият бор эди, бунинг учун ўзаро ўйинда швейцарияликлар 11 тўп фарқи (!) билан мағлуб этилиши керак бўларди. Амалда эса косоволиклар фақат битта гол уришди ва бу ҳам ҳисобни тенглаштирувчи гол бўлди. Швеция эса 6 турдан тўрттасида ютқазиб, атиги икки очко билан сўнгги ўринда қолганига қарамай, баҳорда ўтиш ўйинлари орқали иккинчи имкониятга эга бўлади.

ЖЧга йўл олган барча жамоалар:

Европада ўтиш ўйинлари учун ҳосил бўлган саватчалар: