Италия ва Туркия ЖЧга яқинлашди. Кун ўйинлари

Жеко 91-дақиқада алмаштирилди – боснияликлар усиз ҳам қўшимча бўлимларда дурангни сақлаб қолишни ва пеналтилар сериясида ғалаба қозонишни уддалашди. Уэлс футболчилари қаторасига икки бор хато қилишди: аввалига Бреннан Жонсоннинг зарбасидан кейин тўп тўсин юқорисидан ўтиб кетди, кейин эса Васил Неко Уилямс йўллаган зарба йўналишини топа олди. Боснияда эса биринчи зарбани Эрмедин Демирович ура олмаганди, лекин ундан кейин нуқтага яқинлашган жамоадошлари хатосиз ҳаракат қилишди.

Финал: Италия ва Босния, Зенице

Туркияда камтарона, Косовода – мегаёрқин ғалаба

Туркия – Руминия 1:0
Голлар: Ферди Кадиўғли, 53 (1:0)
Туркия: Угуржан Чақир, Оқойдин, Абдулкарим Бардакчи, Ферди Кадиўғли, Мерт Мулдур, Ҳоқон Чалхонўғли (Ўзан Қобоқ, 90), Исмаил Юксек, Арда Гулер (Ирфан Қаҳвачи, 90), Кенан Йилдиз, Бариш Йилмаз (Ўрхун Кўкчи, 78), Карим Оқтуркўғли
Руминия: Раду, Дрэгушин, Буркэ, Банку, Рацю, Марин (Тэнасе, 66), Драгомир, Хажи (Станчу, 71), Михэйлэ (Баярам, 88), Ман, Бирлиджа (Микулеску, 88)
Огоҳлантиришлар: Ирфан Қаҳвачи, 90. Карим Оқтуркўғли, 90 – Драгомир, 18

Словакия – Косово 3:4
Голлар: Валент, 6 (1:0). Хўжа, 21 (1:1). Гараслин, 45 (2:1). Асллани, 47 (2:2). Муслия, 60 (2:3). Хайризи, 72 (2:4). Стрелец, 90+4 (3:4)
Словакия: Дубравка, Вавро, Оберт, Валент, Дуда (Бенеш, 83), Лоботка, Ганцко, Беро (Мраз, 90), Гараслин (Тупта, 83), Сауэр (Суслов, 45), Стрелец
Косово: Мурич, Деллова, Хайризи, Ҳайдари, Галлапени, Войвода, Режбечай, Муслия (Хадиргонай, 90), Хўжа (Эмерлаҳу, 90), Асллани (Забергя, 73), Муричи (Рраҳмани, 90)
Огоҳлантиришлар: Вавро, 89. Валент, 90 – Хайризи, 14. Деллова, 25. Хўжа, 51

Туркия Руминия тўсиғидан ўтди – 1:0. Мезбонлар фақат иккинчи бўлимда позицион ҳужум орқали рақиб мудофаасини бузиб ўта олишди: 53-дақиқада Арда Гулер тўпни жарима майдонига етказиб берди, қанот ҳимоячиси Ферди Кадиўғли тўпни ўзига бўйсундирди ва уни руминлар дарвозабонининг ёнидан ўтказа олди.

Руминлар стандарт вазиятлар ва қарши ҳужумлар орқали жавоб қайтаришга уринди. Аммо Туркия ҳақли равишда ғалабага эришди – меҳмонларда ҳисоб 0:1 ҳолатида яққол вазиятлар юзага келмади.

Косово эса Словакиядан кучлироқ чиқди – 4:3. Бу куннинг энг ёрқин ўйини бўлди. Томонлар ўйинни қувлашмачоққа айлантиришди. Словаклар сафида 6-дақиқадаёқ Мартин Валент гол урганди. Косоволиклар сафида Велдин Хўжа жавоб қайтарди. Ва словаклар барибир танаффусга ҳисобда олдинда борган ҳолда йўл олишди: Лукаш Гараслин жарима зарбасидан иккинчи голни урди.

Танаффусдан кейин эса косоволиклар мезбонлар дарвозасини уч бор ишғол этишди. Флорент Муслия ҳам жарима зарбасини голга айлантирди. Ўйин тақдири Фисник Асслани ва Крешник Хайризининг голларидан кейин ҳал бўлди. 94-дақиқада Давид Стрелец томонидан урилган гол словакларни қутқариб қололмади.

Финал: Косово – Турция, Приштине

Йокереш шведларни, Левандовски Полшани финалга олиб чиқди

Украина – Швеция 1:3
Голлар: Йокереш, 6 (0:1). Йокереш, 51 (0:2). Йокереш, 73 - пеналти (0:3). Пономаренко, 90 (1:3)
Украина: Трубин, Бондар, Забарний, Миколенко, Тимчик, Калюжний (Очеретко, 60), Судаков (Пономаренко, 77), Ярмолюк (Шапаренко, 85), Зубков (Гуцуляк, 60), Циганков, Ванат (Яремчук, 60)
Швеция: Нордфелдт, Хин (Старфелт, 37), Линделёф, Лагербилке, Челстрем, Айяри (Свенссон, 77), Гудмундссон (Бергвалл, 77), Юҳанссон, Нюгрен, Эланга (Сванберг, 90+4), Йокереш
Огоҳлантиришлар: Тимчик, 56. Трубин, 71 – Нордфелдт, 75

Полша – Албания 2:1
Голлар: Хўжа, 42 (0:1). Левандовски, 63 (1:1). Зелински, 73 (2:1)
Полша: Грабара, Беднарек, Кивёр, Кендзера (Свидерски, 62), Зелински (Модер, 82), Шимански, Скурас, Кэш, Камински (Пирка, 90+2), Розга (Петушевски, 46), Левандовски (Слиш, 90+2)
Албания: Стракоша, Айети (Исмайли, 18), Жимсити, Митай, Ҳюсай, Аслани, Шеҳу, Лячи (Мучи, 82), Хўжа (Пилиос, 68), Узуни, Байрами (Бройя, 68)
Огоҳлантиришлар: Левандовски, 87. Свидерски, 90 – Митай, 34. Ҳюсай, 79. Аслани, 88

Швеция Украинага қарши ўйинда жиддий муаммога дуч келмади – 3:1. Номинал меҳмонлар ўйиннинг атиги 32 фоиз қисмида тўпга эгалик қилганига қарамай, Виктор Йокерешнинг ҳет-триги эвазига финалга чиқди.

Шведлар 6-дақиқадаёқ ҳисобни очишди: Йокереш Бенямин Нюгреннинг чап қанотдан берган узатмасини дарвоза тўрига тўғрилаб юборди. «Арсенал» ҳужумчиси шу куни вазиятлардан фойдаланиш бўйича идеал кўрсаткич қайд этди: иккинчи бўлимда Йокереш дарвозабон томонидан берилган узатмадан фойдаланиб иккинчи голни урди, кейинроқ пеналтини аниқ ижро этиб, ҳисобни йирик кўринишга келтирди. Учта зарба ва учта гол.

Украинлар тўпга эгалик қилишди, аммо чинакамига хавфли вазиятларга эга бўлишмади. Матвей Пономаренконинг 90-дақиқада урган голи эса амалда ҳеч нарсага таъсир кўрсатмади. Украинлар қаторасига бешинчи жаҳон чемпионатини ўтказиб юборади, жамоа мундиалда биринчи ва охирги бор 2006 йилда қатнашган ва чоракфиналгача етиб борганди.

Йокереш саралашнинг гуруҳ босқичини жуда кучсиз ўтказиб, бирорта гол уролмаганди, жамоаси эса атиги икки очко билан охирги ўринда қолиб кетганди. Аммо Миллатлар лигаси турнири рейтинги эвазига ўтиш босқичига йўл олган скандинавларда энди яхши имконият ҳосил бўлди.

Полша Албанияга қарши ўйинда камбэк амалга оширди – 2:1. Ўйинда мухлислар икки хил бўлимга гувоҳ бўлишди. Биринчисида полякларнинг иши юришмади, қолаверса, жамоа етакчиларидан бири Ян Беднарек голга сабабчи бўлди: у тўпни қабул қилишда сусткашликка йўл қўйди ва Арбер Хўжа бундан фойдаланиб, дарвозабонни ҳам алдаб ўтди ва бўш дарвозани ишғол этди.

Поляклар иккинчи бўлимда ўзига келишди. 63-дақиқада Роберт Левандовски бошда йўллаган зарбаси билан мувозанатни тиклади, ўн дақиқа ўтиб Петр Зелински ўз услубида жарима майдони ташқарисидан кучли зарба берди – 2:1. Полша қаторасига бешинчи ўйинда ютқазмаяпти ва финалга чиқмоқда.

Финал: Швеция – Полша, Стокҳолм. 

Данияда осон ғалаба, чехлар ҳам ўйин охирида қутулиб қолди

Дания – Шимолий Македония 4:0
Голлар: Дамсгор, 49 (1:0). Исаксен, 58 (2:0). Исаксен, 59 (3:0). Норгар, 75 (4:0)
Дания: Ҳермансен, Нелссон, Норгар (Провстгор, 86), Меле, Ба (Ҳойсберг, 81), Юлманн, Ҳейберг, Фроҳолдт, Дамсгор (Нарти, 86), Исаксен (Эриксен, 73), Ҳойлунд (Ҳег, 81)
Шимолий Македония: Димитриевски, Зайков, Муслиу, Эррера, Стойчевски, Элмас, Атанасов (Алими, 64), Барди, Чурлинов (Дориев, 64), Камили (Миовски, 64), Растодер (Мусовски, 77)
Огоҳлантиришлар: Элмас, 72. Барди, 86

Чехия – Ирландия 2:2
Голлар: Пэрротт, 19 – пеналти (0:1). Коварж, 23 – автогол (0:2). Шик, 27 – пеналти (1:2). Крейчи, 86 (2:2)
Пеналтилар серияси: Пэрротт – (0:1). Крейчи – (1:1). Ида – (1:2). Соучек – (2:2). Брэйди – (2:3). Хитил – (2:3) (дарвозабон). Азаз – (2:3)(дарвозабон). Шик – (3:3). Браун – (3:3) (дарвозабон). Климент – (4:3)
Чехия: Коварж, Гранач, Крейчи, Холеш (Халоупек, 46), Дарида (Соучек, 46), Провод, Юрасек (Карабец, 82), Цоуфал (Садилек, 82), Шулц (Климент, 103), Шик, Хори (Хитил, 73)
Ирландия: Келлеҳер, Коллинз, О`Ши, О`Брайен, Молумби (Смодич, 115, Вейл, 120+1), Тэйлор (Брэйди, 68), Мэннинг (Браун, 68), Коулман (Данн, 96), Финн Азаз, Огбене (Ида, 96), Пэрротт
Огоҳлантиришлар: Гранач, 90 – Тэйлор, 21. Мэннинг, 26

Дания Шимолий Македонияни таслим қилиши учун 10 дақиқа етарли бўлди. Мезбонлар иккинчи бўлимни шиддатли босим билан бошлашди ва 49-дақиқада Миккел Дамсгор ҳисобни очди. 58-дақиқада айнан унинг узатмасидан Густаво Исаксен иккинчи голни урди, 59-дақиқада эса «Лацио» ҳужумчиси дублни расмийлаштирди. Бироз ўтиб Кристиан Норгар якуний ҳисобни ўрнатди – 4:0.

Данияликлар учун бу сўнгги уч ўйиндаги илк ғалаба бўлди. Жамоа гуруҳ босқичининг сўнгги турларида қоқилганди: аввалига Беларус билан кутилмаганда дуранг қайд этилган (2:2), сўнгги турда эса ҳал қилувчи ўйинда Шотландияга мағлуб бўлганди (2:4).

Чехия эса Ирландия билан ўйинда бурилиш ясади ва пеналтилар сериясида ғалабага эришди – 2:2 (4:3). Ҳолбуки жамоа биринчи бўлим ўрталарида 0:2 ҳисобида ортда бораётганди.

Жамоалар биринчи бўлимда етти дақиқа ичида учта гол уришди. 19-дақиқада Трой Пэрротт ўзи ишлаган пеналтини аниқ ижро этди, 24-дақиқада аввалига чехлар ҳимоячиси Владимир Цоуфал орқали тўп тўсинга борди, кейин эса дарвозабон Матей Коваржга теккан ҳолда дарвоза тўрига кириб кетди. 

Чехлар тезда ҳисобни қисқартиришди – Патрик Шик ҳам пеналтини бенуқсон ижро этди, сўнгги дақиқаларда эса ўйин овертаймларга олиб ўтилди: Ладислав Крейчи бурчак зарбасидан кейин гол урди. Бу гол ҳам Эдин Жеконики каби 86-дақиқада урилди ва бу ўйинда ҳам қўшимча бўлимларда ҳисоб ўзгармасдан, ғолиб пеналтилар серияси орқали аниқланди. Серияда эса Коварж Финн Азаз ва Алан Брауннинг марказга йўллаган зарбаларини қайтарди.

Финал: Чехия – Дания, Прага.

Ўтиш босқичи финалидаги жуфтликлар:

Швеция — Полша
Чехия — Дания
Косово — Туркия
Босния — Италия

31 март куни бўлиб ўтадиган бу ўйинлардан кейин ғолиблар тўғридан тўғри жаҳон чемпионатига йўл олишади.