Ўзбекистонда 2 минг ва 20 минг сўмлик банкнотлар муомалага чиқарилади

Ўзбекистон Марказий банки номинал қиймати 2 000 ва 20 000 сўм бўлган янги купюраларни муомалага чиқаради.

Олий Мажлис Сенати кенгаши муомалага чиқариладиган янги банкнотларнинг намуналари ва дизайнларини маъқуллади.

Kun.uz Ўзбекистон Марказий банки матбуот хизматидан олган маълумотга кўра, 2 минг ва 20 минг сўм номиналдаги янги купюралар «тез орада» муомалага чиқарилади. Бу ҳақда тез орада батафсил маълумот берилиши маълум қилинди.

Ўзбекистонда охирги марта 100 минг сўмлик банкнотлар 2019 йил 25 февралдан бошлаб муомалага чиқарилганди.

2020 йилда 200 ва 500 сўмлик банкнотлар муомаладан чиқарилган эди. 2021 йил мартида Марказий банк 1000 сўмлик номиналдаги банкнотларни муомаладан чиқариш кўзда тутилмаганини маълум қилганди.

#Марказий банк #банкнот