ОАВ: Microsoft 3D графикани қўллаб-қувватловчи Paint дастурини тақдим этади

Microsoft компанияси Paint график редакторининг янги авлодини намойиш этиши мумкин. Твиттер фойдаланувчиси WalkingCat унинг тақдимотига бағишланган видеороликни қўлга киритган, дея хабар қилмоқда The Verge.

Microsoft дастурни тўлиқ редизайн қилганидан ташқари, 3D графикаларини чизиш имкониятини ҳам тақдим этади. Бу шуни англатадики, чизилган ёки ўрнатилган обьектларни нафақат вертикал ва горизонтал ҳолатда, балки чуқурлиги бўйича ҳам жойлаш мумкин бўлади. 

{Yii::t(}

Ўтказиб юбориш 6s

Ўтказиб юбориш

Редакторнинг янгиланган версияси Paint Preview номини олиши айтилмоқда. Янги Paint шунингдек, планшет компьюьтерларда ишлашга мослаштирилган. Microsoft компанияси бу борада ўзининг Surface Pro планшетини таклиф эта олади. Ҳозирча, компания расман мазкур иловасини тақдим этганича йўқ. 

Шу йилнинг май ойида Microsoft компанияси Paint дастурини тўлиқ янгилаши ҳақида илк бор маълум бўлган эди.