Нурсултон Назарбоев Самарқандга келмоқда

Қозоғистон президенти Нурсултон Назарбоев Ўзбекистон президенти Шавкат Мирзиёев таклифига кўра Ўзбекистонга ташриф буюради.

Шавкат Мирзиёев 15 март куни Остонага ташрифи вақтида мезбон давлат раҳбарини Ўзбекистонга таклиф этганди.

«Kun.uz» манбаси хабар беришича, 21 март куни қўшни давлат раҳбари Самарқандга келади ва президентлар Наврўз байрамини қадимий шаҳарда ўтказишади.

Айни вақтда шаҳарда ташрифга тайёргарлик ишлари жадал олиб борилмоқда.