Дунёнинг энг кучли армиялари рейтинги эълон қилинди: Ўзбекистон юқорилади

Фото: Kun.uz

2018 йилнинг энг қудратли армиялари рейтинги (Military Strength Ranking) эълон қилинди. Ўзбекистон ушбу рейтингда ўтган йилга нисбатан тўққиз поғона юқорига кўтарилиб, 39-ўринга муносиб кўрилди. Globalfirepower сайтида тақдим этилган жадвал шундан далолат бермоқда.

Military Strength Ranking'да АҚШ, Россия ва Хитой мамлакатлари етакчилик қилмоқда.

МДҲ мамлакатлари орасида Украина 29-ўринда, Ўзбекистон 39-ўринда, Беларусь 41-ўринда, Қозоғистон 50-ўринда, Озарбойжон 53-ўринда, Туркманистон 80-ўринда, Қирғизистон 91-ўринда, Тожикистон 96-ўринда қайд этилган.

Рейтингда жами 136 мамлакат номи келтирилган бўлиб, 2018 йилда унга Ирландия, Монтенегро ва Либерия қўшилган.

Манбада қайд этилишича, Ўзбекистоннинг йиллик ҳарбий бюджети 70 миллион долларни ташкил қилади.