Президент администрацияси раҳбари лавозими тугатилган.
Фото: Президенти Администрацияси
Сардор Умрзоқов Ўзбекистон Республикаси Президенти Администрацияси раҳбари лавозимини тарк этган. Бу ҳақда Kun.uz манбалари хабар бермоқда.
Манбанинг тасдиқлашича, эндиликда президент администрацияси раҳбари лавозими тугатилган.
Президент матбуот хизмати аниқлик киритишича, Умрзоқов Ўзбекистон президентининг махсус топшириқлар бўйича маслаҳатчиси лавозимига тайинланган.
Ўзбекистон Республикаси Президенти Администрацияси президентнинг 2018 йил 26 августдаги фармони билан ташкил этилган, унга 2018-2022 йилларда Зайнилобиддин Низомиддинов раҳбарлик қилганди.
2022 йил 16 июлида эса Низомиддинов саломатлигидаги муаммо сабаб ишдан кетган ва унинг ўрнини Сардор Умрзоқов эгаллаганди.
- Бундан аввалроқ Президент администрацияси раҳбари ёрдамчиси Суннатилла Бекенов ишдан олингани хабар қилинганди.
