Нигерия собиқ президенти Муҳаммад Бухорий вафот этди

У 13 июл куни Лондонда оламдан ўтган. Муҳаммад Бухорий президентлик вақтида ҳам даволаниш учун Британияга тез-тез қатнаб турган.

Фото: Getty images

Нигерия собиқ президенти Муҳаммад Бухорий 82 ёшида вафот этди. Бу ҳақда унинг оиласи хабар берди.

Қайд этилишича, собиқ президент Бухорий 13 июл куни Лондондаги клиникада оламдан ўтган.

Муҳаммад Бухорий 1983 йилдан 1985 йилга қадар Нигерияни бошқарган, ўшанда у ҳарбий тўнтариш натижасида ҳокимият тепасига келган. 1985 йилда юз берган тўнтариш оқибатида у ҳокимиятдан ағдарилган. 2015 йилда у мамлакат президенти этиб сайланган ва 2023 йилда давлат раҳбарлиги лавозимини тарк этганди.

Собиқ президент амалда ўтирган вақтида ҳам даволаниш учун Британияга тез-тез қатнаб турган. Унинг мамлакатда йўқлиги сабаб Нигерияда норозилик акциялари юз берган.

Тайёрлаган: Фозилбек Юсупов

#Нигерия #Муҳаммад Бухорий