Макгрегор Нурмагомедов билан Россияда жанг ўтказишга тайёрлигини эълон қилди

Мутлақ жангчилар чемпионати (UFC) президенти Дана Уайт аралаш йўналиш (ММА) бўйича жангчи Конор Макгрегорнинг режалари ҳақида гапириб берди.

Ирландиялик ташкилот раҳбарига UFC’нинг енгил вазн тоифасидаги ҳозирги чемпиони Ҳабиб Нурмагомедов билан Россия ҳудудида жанг ўтказишга тайёр эканини айтган.

«Конор бирорта бокс жанги ўтказмай туриб, энг яхши боксчилар билан куч синашишга тайёр, шундан сўнг киллер, Ҳабиб Нурмагомедов билан учрашади. Буларнинг барчаси икки йиллик танаффусдан кейин амалга ошмоқда. Конор Серроне билан жанг қилишни хоҳлаши ҳақида айтган. Мен уни яхши биламан, у ҳеч қачон йўқ гапни гапирмайди. У менга Ҳабиб билан Россияда жанг қилишга тайёр эканини айтди. У шундай инсон», - дея Уайтнинг сўзларини келтиради MMAFighting.

Бунга қадар Макгрегор америкалик Дональд Серронега қарши жангга рози бўлди. Бруклинда бўлиб ўтган UFC Fight Night 143 мусобақасида Серроне рақиби устидан иккинчи раундда техник нокаут билан ғалаба қозонди. Шундан сўнг, у ММА’нинг ирландиялик жангчиси билан баҳслашиш истагида эканини билдирди.

Эслатиб ўтамиз, аввалроқ Макгрегор Нурмагомедовга ўзаро жанг вақтида нима ҳақида айтгани маълум бўлганди.