3 ноябр куни Саудия Арабистони қироллигининг Энергетика, саноат ва минерал ресурслар вазири Ҳолид ал-Фалиҳ амалий ташриф билан Ўзбекистонга келади. Бу ҳақида Ташқи ишлар вазирлигининг матбуот хизматида хабар берилди.
Ташриф дастурида Тошкент шаҳрида ўтказиладиган МДҲ Электр энергетика Кенгашининг навбатдаги 51-йиғилишида иштирок этиш ҳамда “Ўзбекенерго” АЖ ва “Ўзбекнефтегаз” миллий холдинг компанияси раҳбариятлари билан икки томонлама учрашув ва музокаралар ўтказиш кўзда тутилган.
Таъкидлаш жоизки, 4 ноябрь куни Тошкент шаҳрида Мустақил Давлатлар Ҳамдўстлиги Электр энергетика Кенгашининг навбатдаги 51-йиғилиши бўлиб ўтади.