Магистратура ва докторантура учун талаб қилинадиган чет тили сертификатлари рўйхати тасдиқланди

2024/2025 ўқув йилидан бошлаб магистратура ва докторантурага ҳужжат топширишда талаб этиладиган миллий ва халқаро тан олинган сертификатлар даражалари бўйича рўйхати эълон қилинди.

Фото: Getty Images

Олий таълим, фан ва инновациялар вазирлиги магистратура ва докторантурага киришда талаб қилинадиган чет тили сертификатларининг рўйхатини тасдиқлади. Рўйхатларда мутахассисликка қараб қайси йўналиш учун B1, B2, C1 сертификатлари қабул қилиниши белгиланган.

Магистратура учун тўлиқ рўйхат билан бу ерда, докторантура учун тўлиқ рўйхат билан бу ерда танишиш мумкин.

Эслатиб ўтамиз, олдинроқ қабулга оид президент фармони эълон қилинган эди. Унда ОТМ магистратурасига қўйилган чет тили талаби йўналишларга қараб пасайтирилиши маълум қилинганди. Унгача филологик йўналишлар учун C1 даража, қолган барча йўналишлар учун эса B2 даража талаб қилинган.