Қўшимча функционаллар
-
Тунги кўриниш
ДХХ қамоқхона маданиятини жозибадор кўрсатувчи АУЕ ҳаракатидан огоҳлантирди
АУЕ – Россияда пайдо бўлган ва жиноятчиликнинг алоҳида шакли сифатида эътироф этилган хавфли ҳаракат.
Сўнгги йилларда ёшлар орасида турли жиноий гуруҳ ва субмаданиятларнинг таъсири кескин ошмоқда. Шулардан бири АУЕ деб аталувчи жиноий ҳаракат бўлиб, у нафақат ўсмирларни, балки чет элда ишлаётган мигрантларни ҳам домига тортаётгани билан жиддий хавотир уйғотмоқда. Бу ҳақда ДХХ маълумот берди.
Қайд қилинишича, АУЕ («Арестантский уклад един» иборасининг бош ҳарфларидан иборат қисқартма) Россияда пайдо бўлган ва жиноятчиликнинг алоҳида шакли сифатида эътироф этилган хавфли ҳаракатдир. У «ўғрилар қонунларини» идеаллаштириб, қамоқхона маданиятини жозибадор кўрсатишни, ҳаётга сингдиришни мақсад қилган.
Россияда бу ҳаракат 2020 йилда расман экстремистик ташкилот сифатида тақиқланган, унинг фаолияти учун жиноий жавобгарлик белгиланган.
Таъкидланишича, сўнгги йилларда бир қанча ўзбекистонликлар АУЕ ҳаракатини қўллаб-қувватлагани ёки унда иштирок этгани учун Россия қонунчилигига асосан жиноий жавобгарликка тортилган.
АУЕ асосан интернет, ижтимоий тармоқлар ва чатлар орқали тарғиб қилинади, ушбу ҳаракат билан боғланиш инсонни жиноий фаолиятга тортиши мумкин.
Россия қонунчилигига мувофиқ, АУЕ ҳаракатига алоқадорлик учун 300 минг рублдан 600 минг рублгача жарима ёки 1 йилгача озодликдан маҳрум қилиш, 1 йилдан 4 йилгача мажбурий меҳнат (ахлоқ тузатиш) ишларига жалб этиш ёхуд 2 йилдан 6 йилгача озодликдан маҳрум қилиш билан жазоланиши мумкин.
Мавзуга оид
14:08 / 28.12.2025
Қорақалпоғистонда солиқ бошқармаси икки ходими ушланди
08:27 / 25.12.2025
Наманганда кўмир омбори раҳбари лавозимига тайинлаш учун 40 минг талаб қилган шахслар ушланди
08:59 / 20.12.2025
Самарқанд ва Сурхондарёда йирик миқдордаги гиёҳвандлик воситалари олиб киришга уриниш тўхтатилди
17:59 / 14.12.2025