Наманганда 63-Халқаро гуллар фестивали ўтказилади

19 май ва 23 июн оралиғида фестивалнинг тантанали очилиш ва ёпилиш, фаол ва ғолибларни тақдирлаш маросимлари бўлиб ўтади.

Фото: uzbekistan.travel

63-Халқаро гуллар фестивали 19 майда бошланиб, 23 июнгача давом этади. 40 кун давом этадиган фестивалда гул боғчалари эгалари ва боғ дизайнерлари ўзларининг бадиий гул композицияларини намойиш этади. Бу уларга маҳаллий ва халқаро компанияларга ўзларини танитиш имконини беради. Тадбирда Жанубий Корея, Россия, Туркия, Покистон, Нидерландия ҳамда Қирғизистон, Тожикистон, Қозоғистон, Туркманистон каби қўшни давлатлардан меҳмонлар иштирок этиши кутиляпти.

Гуллар паради Наманган шаҳрининг марказий кўчалари бўйлаб бўлиб ўтади. Парадда гуллар ва миллий рамзлар туширилган байроқ билан безатилган енгил автомобиллар, ғалла ўриш комбайнлари, ўт ўчириш машиналари, тракторлар, изли автомобиллар ва тез тиббий ёрдам машиналари каби 200 дан ортиқ техника иштирок этади.

Маълумот учун, Наманган халқаро гуллар фестивали илк бор 1961 йилда ўтказилган. Шундан бери анъанавий равишда ҳар йили ташкил қилинади.

#Наманган #гуллар фестивали