Бугун, 18 ноябр куни Олий Мажлис Қонунчилик палатасининг навбатдаги мажлиси бўлиб ўтмоқда. Унда давлат бюджети ва давлат мақсадли жамғармаларининг 9 ойдаги ижроси кўриб чиқилмоқда.
Фото: KUN.UZ /архив
Тадбир доирасида, депутат Дониёр Ғаниев савол бераётган пайтда мактабгача таълим вазири ўринбосари Мақсуд Йўлдошев камера микрофонини ўчиришни ёддан чиқариб қўйди. Мажлис Youtube орқали жонли эфирга узатилаётган эди.
Вазир ўринбосари Мақсуд Йўлдошев ўша пайтда қўнғироқ қилган Хуршид исмли шахсга жавоб берар экан, “Обқочишга мажбурмиз энди, нима қиламиз”, деган сўзлари тўғридан тўғри эфирга кетди.
Мақсуд Йўлдошев катта эҳтимол билан ўзининг саволга жавобини назарда тутган.
