Қўшимча функционаллар
-
Тунги кўриниш
Россиядаги ўзбеклар кенгаши раҳбари Кирилловни ўлдиришда гумонланаётган ўзбекистонликни ҳақорат қилди
Умумроссия ўзбеклар кенгаши жамоат ташкилоти раҳбари Иброҳим Худойбердиев генерал-лейтенант Игор Кирилловни ўлдиришда гумонланаётган Ўзбекистон фуқаросини «сотқин махлуқ» дея ҳақорат қилди. Аввалроқ Москвада Украина махсус хизматлари топшириғи асосида теракт содир қилганликда айбланиб, 29 ёшли ўзбекистонлик қўлга олинган эди.
Фото: vku-org
«Биз шунчалик сармоя киритамиз, яхши муносабатларга сармоя киритамиз... Булар камдан кам учрайдиган, сотқин махлуқларки, қуролсиз одамга тийинлар эвазига шундай террорчилик ҳаракатларини амалга оширади», — деган Худойбердиев RIA Novosti'га берган изоҳида.
Иброҳим Худойбердиев, шунингдек, ўз юртдошлари экстремистлар билан аралашиб кетмасликлари учун «тушунтириш ишларини янада кучайтириш керак»лигини таъкидлаган.
Россия Федерацияси қуролли кучлари радиация, кимёвий ва биологик мудофаа қўшинлари бошлиғи, генерал-лейтенант Игор Кириллов ва унинг ёрдамчиси 17 декабр куни тонгда Москва шаҳри Рязанск проспектидаги уйи олдида рўй берган портлаш оқибатида ҳалок бўлганди. Тергов маълумотига кўра, қўлбола портловчи қурилма уй подъезди ёнида турган электр самокатга ўрнатилган.
18 декабр куни Россия Тергов қўмитаси ФХХ ва ИИВ ҳамкорлигида Ўзбекистоннинг 29 ёшли фуқаросини террорчилик ҳужуми содир этишда гумон қилиб, қўлга олди. У сўроқ пайтида Украина махсус хизматлари томонидан ёллангани, бунинг учун 100 минг доллар миқдорида пул мукофоти ва Европа давлатларидан бирига яшаш учун чиқиши кафолатланганини айтган.
Мавзуга оид
20:27 / 24.02.2025
Таиландда оғир тан жароҳати олган Ўзбекистон фуқароси ватанга қайтарилди
18:35 / 04.01.2025
“Катта миқдорда маош берамиз дейишди” – Россия армиясига ёлланган яна бир ўзбекистонликка ҳукм ўқилди
20:34 / 25.12.2024
Россияда мигрантларнинг иш жойини ўзгартиришни тақиқлаш таклиф этилмоқда
15:24 / 23.12.2024