Кувайтда "Соҳибжамол ва Махлуқ" кинокартинаси тақиқланди

Кувайтда "Соҳибжамол ва Махлуқ" кинофильмининг намойиши тақиқланди. 

Фильм ўтган ҳафта пайшанба 16 март куни ижарага чиққан эди, бироқ орадан 4 кун ўтгач, унинг мазмунини синчковлик билан ўрганишга қарор қилинди. Шундан сўнг, мамлакат миллий кинокомпанияси Twitter саҳифасида тақиқ ҳақида эълон қилди. 

Қарорга "компаниянинг ёшларга нисбатан мажбуриятлари ва принциплари билан изоҳланган".

Аввалроқ, Россия Давлат думаси депутати Виталий Милонов маданият вазири Владимир Мединскийга мурожаат қилиб, Билл Кондоннинг фильмини намойишдан аввал жиддий ўрганиб чиқишни сўраган эди. Россия маданият  вазирлиги экспертизадан сўнг фильмга 16+ таснифини қўйган.