Диний таълим муассасалари учун қабул санаси ва талаб этиладиган ҳужжатлар рўйхати эълон қилинди

Маълум қилинишича, жорий йилдаги ўқув мавсумида абитуриентларнинг ҳужжатлари офлайн шаклда таълим муассасаси қабул ҳайъати томонидан қабул қилинади.

Хусусан, ўрта махсус ислом таълим муассасаларида — 2022 йил 20 июндан 10 июлгача (шу куни ҳам соат 18:00 гача) ҳужжатлар қабул қилинади. Абитуриентлардан талаб қилинадиган ҳужжатлар:

• таълим муассасаси раҳбари номига ариза;
• паспорт ёки ID карта нусхаси (асли кўрсатилади);
• маълумоти тўғрисида аттестат ёки диплом (асл нусхаси);
• 3,5 х 4,5 ҳажмдаги 6 дона рангли фотосурат (охирги уч ойда олинган ва орқа фони оқ рангда бўлиши керак);
• чет тили билиши тўғрисидаги сертификат (маълумоти тўғрисидаги ҳужжатда кўрсатилган чет тилидан бошқа хорижий тил бўйича тест топширувчилар учун) асл нусхаси.

Олий диний таълим муассасалари – Тошкент ислом институти ва Мир Араб олий мадрасасида ҳужжатлар 2022 йил 20 июндан 20 июлгача (шу куни ҳам соат 18:00 гача) қабул қилинади. Ушбу таълим муассасаларига қандай ҳужжатлар топширилиши ҳақида маълумот берилмаган.

Ҳадис илми мактабида 2022 йил 20 июндан 10 июлгача (шу куни ҳам соат 18:00 гача). Талаб қилинадиган ҳужжатлар:

• таълим муассасаси ректори номига ариза;
• паспорт ёки ID карта нусхаси (асли кўрсатилади);
• ўрта махсус ислом таълим муассасасини тамомлагани тўғрисидаги ҳужжат (диплом) асл нусхаси;
• 3,5 х 4,5 ҳажмдаги 6 дона рангли фотосурат (сўнгги уч ойда олинган ҳамда орқа фони оқ рангда бўлиши талаб этилади);
• «Ягона олимпиада» танлови дипломи (танловда 1-, 2- ва 3-ўринни эгаллаган иштирокчилар учун).