Сўм кескин қадрсизланди. Долларнинг расмий курси - 8882 сўм

Ўзбекистон Республикаси Марказий банки 10 августдан хорижий валюталарнинг сўмга нисбатан янги қийматини белгилади.

Унга кўра, 1 АҚШ доллари душанба куни эълон қилинган курсга нисбатан 177,13 сўмга кўтарилган ва 1 доллар 8882,00 сўмга етган.

Бу илк бор расмий курс 8700 сўмлик нуқтадан ошишидан сўнг навбатдаги кескин кўтарилиш бўлди.

1 евро курси 259,80 сўмга ошиб, 9928,30 сўмни ташкил этган.

1 рубль эса 2,53 сўмга қимматлашиб, 136,38 сўмга тенг бўлиб турибди.

Эслатиб ўтамиз, валюта қийматини белгилаш чоғида Ўзбекистон Республикаси Марказий банки мазкур валюталарни ушбу қийматда сотиш ёки сотиб олиш мажбуриятини олмаган.