Jizzakh Petroleum Honeywell UOP технологияси иштирокида янги нефтни қайта ишлаш заводини қуради

АҚШнинг Honeywell корпорацияси Jizzakh Petroleum JV LLC бензин, дизель ва реактив ёқилғи ишлаб чиқариш учун йилига 5 млн тонна нефтни қайта ишлаши мумкин бўлган янги нефтни қайта ишлаш заводининг қурилиши учун Honeywell UOP технологиясидан фойдаланиши ҳақида хабар берди.

Honeywell UOP лицензиялаш ва таянч муҳандислик лойиҳалаштируви хизматларини тақдим этади. Қурилиш якунланганидан сўнг, завод йилига Euro V сифатидаги 3,7 миллион тонна мотор ёқилғисини, 700 минг тонна авиация ёқилғисини ва 500 минг тонна бошқа маҳсулотларни, жумладан, суюлтирилган нефть гази ва битумни ишлаб чиқаради.
 
«Jizzakh Petroleum ушбу нефтни қайта ишловчи заводни юқори сифатли мотор ёқилғиси ишлаб чиқаришни ошириш ва ички талабни қондириш учун қурмоқда», - дея айтиб ўтди Honeywell UOP президенти Жон Гугель.