Қўшимча функционаллар
-
Тунги кўриниш
Тошкентда автобус учун алоҳида йўлаклар бўладиган 10 та кўча номи маълум қилинди
Тошкент ҳокимияти 10 та йўналишни қамраб олувчи ажратилган автобус йўлаклари (BRT) тизимини кенгайтириш лойиҳаси бўйича янгиланган маълумотларни эълон қилди. Уларнинг кўпчилиги собиқ трамвай линиялари бўйлаб ўтади. Лойиҳани амалга ошириш учун 126 млн доллар ажратиш режалаштирилган.
Фото: Тошкент шаҳар ҳокимлиги
Тошкент шаҳар ҳокимлиги пойтахтда автобуслар учун алоҳида ажратилган йўлаклар инфратузилмасини барпо этиш бўйича янгиланган режаларини тақдим этди.
Ҳокимнинг биринчи ўринбосари Бахтиёр Раҳмонов «Ўзбекистон 24» телеканалига берган интервюсида умумий узунлиги қарийб 51 км бўлган 10 та йўналишда BRT (Bus Rapid Transit) тизими яратилишини маълум қилди (эски тақдимотда 57,5 км эди).
Олдинги тақдимотда кўрсатилган Кичик ҳалқа авомобил йўли ва Паркент кўчалари ўрнига Алишер Навоий ва Беруний кўчалари қўшилган (бу кўчалар бу тизим биринчи бўлиб жорий этилган Шота Руставели кўчасининг давоми ҳисобланади).
Давлат раҳбарига тақдим этилган лойиҳага кўра, 2030 йилгача қуйидаги кўчаларда BRT тизими қурилади:
- Шота Руставели (5,1 км),
- Шаҳрисабз (3,2 км),
- Амир Темур (5,7 км),
- Янги Сергели (5,3 км),
- Махтумқули (1,3 км),
- Мирзо Улуғбек – Феруза – Юзработ (10,4 км),
- Лутфий ва Муқимий (5,9 км),
- Нурафшон (3,7 км),
- Қоратош – Кўкча Дарвоза (4 км),
- Алишер Навоий – Беруний (6 км).
Ушбу ишларни амалга ошириш учун 126 млн доллар (эски тақдимотда 110 млн доллар эди) сарфлаш кўзда тутилмоқда.
Автобусларнинг ўртача тезлиги 18 км/соатдан 23 км/соатгача ошиши, интерваллар эса 20 дан 8–10 дақиқагача қисқариши кутилмоқда.
Мавзуга оид
12:59 / 24.11.2025
Тошкент, Навоий ва Тошкент вилояти саноат ишлаб чиқаришида пешқадам
10:27 / 14.11.2025
Тошкент Марказий Осиё раҳбарларининг еттинчи саммитига мезбонлик қилади
12:46 / 11.11.2025
Тошкентда чиқинди қарзи туфайли 6 минг абонентнинг электр тўлови вақтинча чекланди
15:01 / 10.11.2025