Тошкентдаги дўкон ва ресторанлар 23:00дан кейин ишлаш учун рухсатнома сотиб олиши мумкин бўлади

Тошкентдаги дўкон ва ресторанлар алоҳида рухсатнома билан соат 23:00дан кейин ҳам ишлаши мумкин бўлади. Бу ҳақда президентнинг « Тошкент шаҳрида бошқарувнинг алоҳида тартибини жорий этиш бўйича ҳуқуқий эксперимент тўғрисида»ги фармони иловасида айтилган.

Ҳужжат билан шаҳар бошқарув тизимини тубдан ислоҳ қилиш бўйича 32 банддан иборат «Йўл харитаси» тасдиқланмоқда.

Бандлардан бирида соат 23:00дан кейин умумий овқатланиш ва савдо нуқталарига ишлаш ҳуқуқини берувчи рухсатнома олиш тартибини жорий этишни назарда тутилган.

Рухсатнома алоҳида бир ойлик тўлов эвазига берилади.

15 октябрга қадар бундай рухсатнома бериш тартибини жорий этишни назарда тутадиган ҳужжат қабул қилинади.