Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 22:55 / 23.02.2026
    14216
    4 дақиқада ўқилади

    Украинадаги урушнинг 4 йили — суратларда

    Россиянинг 2022 йил 24 февралда Украинага босқини Иккинчи жаҳон урушидан буён Европадаги энг йирик можарони бошлаб берди. Associated Press фотомуҳаррирлари тайёрлаган ушбу фотогалерея Россия босқинчилик урушининг тўрт йилига назар ташлайди.

    2022 йил февраль ойида Россиянинг «махсус ҳарбий операция» номи остида бошлаган кенг кўламли уруши эртага – 2026 йил 24 феврал куни ўзининг тўртинчи йилига қадам қўяди. Россия ушбу ҳаракатларини НАТОнинг шарққа кенгайиши ва ўз хавфсизлигини таъминлаш билан оқлашга уринса-да, Украина ва жаҳон ҳамжамиятининг катта қисми буни мустақил давлат суверенитетига нисбатан асоссиз тажовуз деб ҳисоблайди.

    Ушбу йиллар давомида Украинанинг кўплаб шаҳарларидаги шиддатли жанглар миллионлаб қочқинлар, минглаб қурбонлар ва катта иқтисодий инқирозга сабаб бўлди. Россия-Украина уруши замонавий тарихдаги энг йирик қуролли можарога айланди. Ҳозирда Украина Ғарб давлатларининг ҳарбий ва молиявий кўмаги билан мудофаа урушини давом эттирмоқда, Россия эса эгалланган ҳудудларда ўз позицияларини мустаҳкамлашга ҳаракат қилмоқда. Шу билан бирга АҚШ воситачилигида 3 томонлама музокаралар давом этмоқда.

    Associated Press нашри урушнинг 4 йили давомида ўз фотомухбирлари томонидан олинган энг таъсирли суратларни жамлади.

    Киев яқинидаги Ирпин дарёсидан ўтиб қочишга уринаётган украиналиклар вайрон қилинган кўприк остида тўпланган. Украина, 2022 йил 5 март. AP Photo/Эмилио Моренатти
    Россия ўқ отиши натижасида оғир яраланган ҳомиладор аёл Мариупол шаҳридаги туғруқхонадан эвакуация қилинмоқда. 2022 йил 9 март. Аёл омон қолмаган. AP Photo/Евгений Малолетка
    Мариупол четидаги оммавий қабрга жойланаётган жасадлар. Украина, 2022 йил 9 март. AP Photo/Евгений Малолетка
    Киев вилояти Велика Димерка қишлоғида шикастланган Россия танки ва унинг минораси ёнидаги боғда кунгабоқар экаётган эркак. 2023 йил 17 май. AP Photo/Эфрем Лукатскй
    Харковда Россия ҳужуми натижасида ёнган дўкондан буюмларини олаётган эркак. 2022 йил 25 март. AP Photo/Фелипе Дана
    Авдиивкада Россия ҳаво зарбаси оқибатида ёнаётган бино олдида паноҳ топган украин полициячиси. 2023 йил 17 март. AP Photo/Евгений Малолетка
    Киев яқинида – Бучадаги уйида ҳалок бўлган кекса аёл жасади ёнида турган ит. 2022 йил 5 апрель. AP Photo/Фелипе Дана
    Украинларнинг 95-ҳаво-десант бригадасига тегишли БМ-21 «Град» реактив тизими фронт чизиғида Россия позицияларига ўт очмоқда. 2023 йил 9 март. AP Photo/Евгений Малолетка
    Чернигов вилоятида «Азов» бригадаси аскарининг дафн маросимида йиғлаётган аёл. 2024 йил 4 октябрь. AP Photo/Евгений Малолетка
    Киев яқинидаги Бучада вайрон қилинган Россия ҳарбий техникасига тўла кўчада ҳаракатланаётган аёл. 2022 йил 3 апрель. AP Photo/Родриго Абд
    Донескдаги шифохонада жангдан олиб келинган яраланган сафдошини даволаётган ҳарбий шифокорлар – аскар омон қолмади. 2023 йил 9 январь. AP Photo/Евгений Малолетка
    Константиновкадаги бозорга ракета ҳужумидан кейин ҳалок бўлганлар жасадлари олдида шифокорларга бақираётган украин ҳарбийси. 2023 йил 6 сентябрь. AP Photo/Евгений Малолетка
    Россиянинг Украина энергетика инфратузилмасига ҳужумлари туфайли қиш ўртасида электр, сув ва иситишсиз қолган аҳоли учун Киевда ўрнатилган фавқулодда чодирлар. 2026 йил 15 январь. AP Photo/Владислав Мусиэнко
    Донескдаги тиббий эвакуация автобусида ётган яраланган украин аскари. 2023 йил 22 март. AP Photo/Евгений Малолетка
    Киевда Россия ҳаво зарбасидан вайрон бўлган уйдан носилкада олиб чиқилаётган яраланган аёл. 2025 йил 24 апрель. AP Photo/Евгений Малолетка
    Киевдаги шифохонага ташриф чоғида юзида кўплаб жароҳат излари кўринган Константин Бичек. У Россия зарбасида яраланган. 2025 йил 25 апрель. AP Photo/Евгений Малолетка.
     Херсонда Россия ҳужумидан яраланган шахс тез ёрдам машинаси ичида. 2022 йил 24 ноябрь. AP Photo/Бернат Армангуэ
    Донеск – Андривка яқинида фронт чизиғи бўйлаб ёниб кетган ўрмон оралаб юраётган украин ҳарбийлари. 2023 йил 16 сентябрь. AP Photo/Мстийслав Чернов
    Фаррух Абсаттаров
    Тайёрлаган Фаррух Абсаттаров
    #Россия #Украина

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.
    Kun.uz янгиликларини Google News'да кузатинг
    + Обуна бўлиш

    Мавзуга оид

    10:24

    200 дан ортиқ украин ҳарбийлари Ливияда — суриштирув тафсилотлари

    09:50

    Украинага кучли зарбалар: қурбонлар сони камида ўн кишига етди

    21:20 / 03.04.2026

    “Ўзбекистон билан ҳукуматлараро комиссия ишини тиклаймиз” – Украина ТИВ ўринбосари

    10:35 / 03.04.2026

    Россияда жазо ўтаётган 3 мингдан ортиқ ўзбекистонлик қайтарилиши мумкин