Иқтисодий форумнинг илк кунида Петербургга дронлар ҳужум қилди – суратлар

Санкт-Петербург халқаро иқтисодий форуми очилиши куни Украина дронлари Россиянинг шимоли-ғарбий қисмига ҳужум қилди. Ленинград областида 60 га яқин дрон уриб туширилган. Санкт-Петербург губернатори Александр Бегловнинг сўзларига кўра, Кронштадт, Киров ва Красноселский районларидаги инфратузилма объектларига ҳужум қилинган, бир неча киши жароҳатланган. Маҳаллий «Бумага» нашри ёзишича, Фин кўрфази соҳилидаги «Марварид каскади» турар жой мажмуасидаги уй шикастланган. Шунингдек, ҳужумдан сўнг Петербург нефт терминали ҳам ёниб кетган. Шаҳар узра тутун устуни кўтарилган. Шу фонда шаҳарга форум меҳмонлари ташриф буюрмоқда.