Ўзбекистон ва Озарбойжон 2027 йилги ФИФА U-20 жаҳон чемпионатига мезбонлик қилади

ФИФА Кенгашининг навбатдаги йиғилишида шу ҳақдаги қарор қабул қилинди. Мазкур турнир ФИФА томонидан ўтказиладиган миллий терма жамоалар ўртасидаги жаҳон чемпионатидан кейинги иккинчи нуфузли мусобақа ҳисобланади. Ўзбекистон илгари бундай турнирни ўтказмаган.

Фото: UFA

Ўзбекистон ва Озарбойжон 20 ёшгача бўлган футболчилар ўртасидаги 2027 йилги жаҳон чемпионатига мезбонлик қилади. Бу ҳақда ЎФА хабар берди.

Қайд қилинишича, ФИФА Кенгашининг навбатдаги йиғилишида шу ҳақдаги қарор қабул қилинган. Мазкур турнир ФИФА томонидан ўтказиладиган миллий терма жамоалар ўртасидаги жаҳон чемпионатидан кейинги иккинчи нуфузли мусобақа ҳисобланади. Ўзбекистон илгари бундай турнирга мезбонлик қилмаган.

ФИФА U-20 жаҳон чемпионати 1977 йилдан буён ўтказилади. Турнирда Аргентина (6 марта), Бразилия (5), Португалия (2), Сербия (2), Уругвай, Гана, Испания, СССР, Германия, Англия, Франция ва Украина ғолибликни қўлга киритган.

Айни пайтда навбатдаги мусобақа Чили майдонларида ўтказилмоқда. Унда 24 та жамоа ғолиблик учун курашяпти, улар орасида Ўзбекистон йўқ.

Тайёрлаган: Сардор Юсупов

#ФИФА #жаҳон чемпионати #Озарбойжон #U-20