Туркиянинг Ататурк халқаро аэропортида амалга оширилган қўпорувчиликларни Чеченистон республикасидан ИШИД таркибига қўшилган жангарилар содир этган бўлиши мумкин, деб хабар қилмоқда Американинг CBS телеканали сайти.
Террор хуружи оқибатида, 42 нафар одам ҳалок бўлган. Улардан 3 нафари ўзларини портлатиб юборган террорчилардир. Туркиянинг 28 фуқароси, 5 нафар Саудия Арабистони фуқароси, Ироқ ва Ўзбекистондан икки киши, Тунис, Хитой, Эрон, Украина ва Иорданиядан бир кишидан ҳалок бўлган. Яна икки кишининг фуқаролиги ва шахсияти аниқланмаган.
