Бангладеш мамлакатдаги теракт сабаб икки кунлик миллий мотам эълон қилди

Бангладеш ҳукумати мамлакат пойтахтида содир этилган терактдан сўнг икки кунлик миллий мотам эълон қилди. Бу ҳақда мамлакат бош вазири эълон қилган.
Эслатиб ўтамиз, 1 июль куни қуролланган жангарилар гуруҳи Бангладеш пойтахти Дакка шаҳридаги дипломатлар кварталида жойлашган ресторанлардан бирига ҳужум қилди. Бундан ташқари, жангарилар ресторан ичида бўлган одамларни гаровга ҳам олишди.

Ўтказилган махсус операция вақтида 13 киши гаровдан озод қилинди. Олти террорчи йўқ қилинди. Теракт оқибатида 28 киши қурбон бўлди.