Ироқ пойтахтида иккинчи портлаш содир бўлди

Ироқ пойтахти Бағдод шаҳрида содир бўлган биринчи портлашдан сўнг, шаҳар шимолида иккинчи портлаш ҳам бўлди. Бу ҳақда Sky News Arabia маълум қилмоқда.

Телеканал маълумотларига кўра, Аш-Шааб бозори яқинида юз берган портлаш оқибатида олти киши ҳалок бўлган, 12 киши жароҳатланган.

Унгача Карада туманида автомобилга ўрнатилган портловчи модда ҳаракатга келиши оқибатида одамлар ҳалок бўлгани ҳақида маълум эди.

Охирги маълумотларга кўра, шиаларнинг диний маркази ёнида бўлган портлашда 21 киши ҳалок бўлган, 45 киши жароҳатланган.