Остонанинг миллионинчи фуқаросининг ота-онасига хонадон ҳадя этилди

Остона шаҳри мэри Асет Исекешев Қозоғистон пойтахтининг миллионинчи фуқароси ота-онасига хонадон калитларини топширди, дейилади шаҳар матбуот хизмати интернет саҳифасида. 

Аввалроқ, Қозоғистон президенти Нурсултон Назарбоев, Шаҳар куни муносабати билан ташкил этилган тантанали Байроқ кўтариш маросимида "2016 йил 4 июль, душанба куни Остонанинг миллионинчи фуқароси дунёга келган"ини маълум қилганди. 

Сайтда ёзилишича, Остонадаги 1-перинатал марказида қизалоқ дунёга келган. 

"Остона шаҳри ҳокими Асет Исекешев, эру-хотинни қизча билан қутлаб, уларга хонадон совға қилган. Ота-онаси билан истиқомат қилувчи ёш оила учун бу ҳақиқий совға бўлди", — дейилади хабарда.