“Сенсиз яшай олмайман”: Қирғизистон президентининг иккинчи клипи намойиш этилди

Қирғизистон президенти Алмазбек Атамбаев Николай Асеевнинг шеърини куйга солиб, 2009 йилда “Сенсиз яшай олмайман” («Я не могу без тебя жить») қўшиғини яратди. Унинг сўзларига кўра, шеърни бироз тўғрилаб, унга нақорат қўшишга тўғри келган. “Менимча, яхши қўшиқ чиқди”, - дейди Атамбаев. 

Кинорежиссёр Фурқат Турсунов томонидан яратилган клипидан 1967 йилда “Мосфильм” томонидан суратга олинган “Яна бир бора ишқ ҳақида” («Ещё раз про любовь») фильми кадрлари ўрин олган. 

Бундан аввал интернет тармоқларида Қирғизистон президентининг биринчи клипи пайдо бўлгани тўғрисида хабар берган эдик. Илк қўшиқ “Тақдирга қасдма-қасд” («Судьбе назло») деб номланиб, унинг клипига ҳам ретро кинофильм асос қилиб олинган эди.