tvline.com
Американинг USA Network кабель телеканали Далласдаги қонли воқеалардан сўнг, «Мерган» сериалининг намойишини номаълум муддатга қолдирди, деб хабар қилмоқда Associated Press. Техас штати Даллас шаҳрида қоратанли фуқаро 5 нафар ҳуқуқ посбонини отиб ўлдирган эди.
Дастлаб, сериал 19 июлда экранларга чиқиши белгиланган эди. Бироқ, Даллас воқеаларидан сўнг, телеканал раҳбарияти сериал тақдимотини 26 июлга кўчиришга қарор қилди.
Қайд этилишича, сериал воқеалари 2007 йили катта экранларга чиққан, режиссёр Антуан Фукуанинг "Мерган" номли фильми воқеаларига асосланган. Унда бош ролни Марк Уолберг ижро этган эди.
