Мексикадаги йўл-транспорт ҳодисасида 59 киши жабр кўрди

Фото: LupitaJuarez/Twitter

Мексиканинг Чьяпас штатида автобус иштирокида йирик йўл-транспорт ҳодисаси юз берди. ЙТҲ оқибатида 59 киши жабрланди, деб штат фуқаролик мудофааси вазирлигига иқтибос келтирган ҳолда РИА “Новости” ахборот агентлиги хабар берди.

Вазирликда маълум қилинишича, ЙТҲ Тустла-Гутьеррес шаҳрига кираверишдаги йўлда юз берган. Автобус аниқлаштирилмаган сабабларга кўра тўнтарилиб кетган.

Жабрланганлар шифохоналарга етказилганлар. Айни вақтда ҳалок бўлганлар ҳақида маълумот келиб тушмаган. Воқеа жойига фавқулодда хизматлар етиб келишган. ЙТҲ тафсилотлари аниқлаштирилмоқда.

#автобус #ЙТҲ #Мексика

Kun.uz янгиликларини Google News'да кузатинг

+ Обуна бўлиш