Фото: ТАСС
Россия президенти матбуот котиби Дмитрий Песков, Россия иқтисодиётини ривожлантиришнинг муқобил ғоялари ишлаб чиқилаётганини маълум қилди, деб хабар қилмоқда ТАСС агентлиги.
«Иқтисодиётни ўрта ва узоқ истиқболда ривожлантиришга оид ғояларни ишлаб чиқиш ишлари бир неча ташкилот томонидан ва турли шаклда олиб борилмоқда», — дея Песков сўзларини келтиради агентлик.
Песковнинг қўшимча қилишича, булар ҳақиқатдан ҳам «улардан қандайдир фойдалироқ хулоса олиш учун лозим бўлган» муқобил ғоялардир.
Аввалроқ, 25 июль куни «Ведомости» нашри хабар қилганидек, президент Владимир Путин Столипин клуби ҳисоботини қайта кўриб чиқиш ва унинг негизида иқтисодиётни ривожлантиришнинг янги дастурини тайёрлаш вазифасини топширган эди.
