Италиядаги зилзила қурбонлари сони 247 нафарга етди

24 август кунига ўтар кечаси Италиянинг марказий қисмида юз берган зилзила қурбонлари сони 247 кишини ташкил қилмоқда. Бу хақда Фуқаролик мудофааси департаментига асосланган ҳолда ANSA хабар берди.

Хабар қилинишича, Аматриче, Аккумоли, Пескара ва Аркуата-дель-Тронтода қутқарувчилар қидириш ишларини давом эттирмоқда.

Охирги хабарларда зилзила қурбонлари сони 159 нафарни ташкил қилаётгани айтилганди.

Зилзила Италия марказида маҳаллий вақт билан соат 03:36да (Тошкент вақти билан 06:36да) содир бўлди. 6,0 магнитудали ер силкиниши эпицентри Рьети провинциясида 4 км чуқурликда жойлашган эди. 1 соат ўтиб, зилзила 5,4 балл билан қайталанди.

24–25 август кунлари Италияда мамлакат марказида рўй берган зилзила қурбонлари хотирасига миллий мотам эълон қилинди.