Италиядаги зилзилалар оқибатида 300 га яқин тарихий обидалар вайрон бўлди

Италиядаги кучли зилзилалар оқибатида кўплаб архитектура объектлари қисман ёки буткул вайрон бўлди. Ҳаммаси бўлиб табиий офат оқибатида тарихий қийматга эга бўлган 293 бинога зиён етди. Бу ҳақда РИА “Новости” ахборот агентлиги хабар бермоқда. 

XIII-XIV асрларга тегишли ибодатхоналар ва саройларга кўпроқ зарар етган. Зилзила оқибатида Аматриче тарихий маркази буткул вайрон бўлган. Унинг бош диққатга сазовор жойларидан бири – авлиё Франциск базиликаси қисман қулаган, марказий витражи эса буткул вайрон бўлган. Шунингдек, 1428 йилда қурилган авлиё Августин черкови ҳам буткул вайрон бўлган.
 
Италияда 24 августда 6,0 ва 5,4 магнитудали зилзилалар юз берди. Оқибатда Аматриче ва Аккумоли шаҳарлари деярли буткул вайрон бўлган. Охирги маълумотларга кўра, 250 киши ҳалок бўлган. Бироқ қурбонлар сони мунтазам ошиб бормоқда.