Бугун Бобур юрти Андижонда катта байрам ва тантана. Сабаби, “Ангрен -Поп” электрлаштирилган янги темир йўл линияси орқали Тошкент – Андижон йўналишида биринчи йўловчи поезди ҳаракатга қўйилди. Водий аҳолиси учун катта қулайлик туғдирган ушбу воқеа муносабати билан яқинда фойдаланишга топширилган кўркам ва маҳобатли Андижон темир йўл вокзалида илк йўловчи ташувчи рейсни кутиб олиш маросими бўлиб ўтди.
2013 йил 18 июнда Ўзбекистон Республикаси Президентининг «Ангрен – Поп электрлаштирилган темир йўл линияси қурилишини ташкил қилиш чора-тадбирлари» тўғрисидаги ПҚ-1985-сонли қарори қабул қилинган эди. Мазкур қарор асосида, улкан бунёдкорлик ишлари амалга оширилди. Узунлиги 123,2 километр бўлган янги темир йўл линияси ва ушбу лойиҳа доирасида хитойлик ҳамкорлар билан биргаликда узунлиги 19,2 километрлик «Қамчиқ» туннели бунёд этилди.
Мазкур темир йўл ва Қамчиқ туннели фойдаланишга топширилган кундан бошлаб 500 минг тоннадан ортиқ юклар Фарғона водийсига ва водийдан республиканинг бошқа ҳудудларига ташилди.
Эътиборингизга, ушбу тантанадан олинган фоторепортажни ҳавола этамиз.
Элмурод Эрматов, Андижон.
